鮨和居食屋 (已結業)

銅鑼灣日式居酒屋好去處🥰餐廳感覺舒適親和，店員同客人有傾有講🥰，真係好似日本居酒屋咁。 食物選擇多而且以新鮮為大前提。鮨和廚師發辦魚生丼除咗挑選時令食材魚生外，仲加入左好多心思。 魚生有鮑魚、海膽、帆立貝、平目魚、三文魚、赤貝、吞拿魚、油甘魚、三文魚籽等～～ 種類多，味道新鮮甜美，絕不馬虎另外我特別喜歡平目魚卷海膽，及青瓜包赤貝群邊。平目魚味道清新，爽口彈牙，色澤晶凝，配上甘香嘅海膽，帶出鮮甜，味道更有層次。 🥒青瓜清爽包赤貝群邊，賣相精緻，鮮甜爽口，好有驚喜🤩牛肉壽喜燒定食熱騰騰上，冬天最啱😍牛肉🥩份量好多，每一件都薄薄的好易食，仲伴有生蛋🥚，食落更嫩滑香口。壽喜燒汁甜甜地啱啱好，唔會太膩，入面仲有豆腐、蔬菜🥬、菇類等， 伴飯食更正每個餐都會有香滑茶碗蒸，新鮮沙律🥗，飲品或甜品。 朱古力蛋糕亦好有驚喜。