影片
更多
2022-08-22
133 瀏覽
放假睇完戲當然係去食飯，今次揾左間菜式富有藝術色彩嘅餐廳試下，餐廳環境好明亮，自然光線充足好舒服～餐牌上嘅菜式都好特別，樣樣都好想試呢😆餐前麵包有兩款，焗到熱辣辣脆卜卜，餐包都有咁既質素，令人更期待呢餐😳🔸吞拿魚．竹炭脆餅．紅菜頭沙律🔸整碟菜以黑紅色配搭，加上藍色食用小花～好搶眼❤️紅菜頭絲狀似麵條，口感爽脆，加上酸酸地嘅醬汁配吞拿魚食用，味道清新開胃！用竹炭脆餅盛載住紅菜頭吞拿魚一齊食又係另一種食法，可以增加口感層次👍🔸火炙帶子．紫薑．醃漬蔬菜．墨魚汁飯🔸刺身級帶子大大隻又厚肉，火喉控制得恰好，一啲都唔韌，好鮮甜😋不得不提個醃漬蔬菜，酸酸甜甜，口感爽脆，而墨魚汁飯香濃軟糯，配埋紫薑同醃漬蔬菜一齊食，解膩之餘仲可提升口感！🔸蜜柑．開心果．柚子楓糖花腩肉🔸望到呢碟菜式就食欲大增😍除左因為佢豐富鮮艷嘅顏色，最主要係因為好吸引嘅大舊肉肉🤤花腩肉肉質鬆軟，不費吹灰之力就可以將佢切開，入面仲好juicy✨伴碟嘅黃色醬好細滑，食落有清新柚子味，加埋楓糖漿超yummy😋最後食埋傍邊清甜嘅蜜柑清一清個口，準備食甜品～🔸鹹蛋黃雪糕．豆腐雪糕．黑糖腐皮．西米脆片🔸第一次發現原來鹹蛋黃可以整雪糕，冇理由唔試下
餐牌上嘅菜式都好特別，樣樣都好想試呢😆餐前麵包有兩款，焗到熱辣辣脆卜卜，餐包都有咁既質素，令人更期待呢餐😳
🔸吞拿魚．竹炭脆餅．紅菜頭沙律🔸
整碟菜以黑紅色配搭，加上藍色食用小花～好搶眼❤️紅菜頭絲狀似麵條，口感爽脆，加上酸酸地嘅醬汁配吞拿魚食用，味道清新開胃！用竹炭脆餅盛載住紅菜頭吞拿魚一齊食又係另一種食法，可以增加口感層次👍
🔸火炙帶子．紫薑．醃漬蔬菜．墨魚汁飯🔸
刺身級帶子大大隻又厚肉，火喉控制得恰好，一啲都唔韌，好鮮甜😋不得不提個醃漬蔬菜，酸酸甜甜，口感爽脆，而墨魚汁飯香濃軟糯，配埋紫薑同醃漬蔬菜一齊食，解膩之餘仲可提升口感！
🔸蜜柑．開心果．柚子楓糖花腩肉🔸
望到呢碟菜式就食欲大增😍除左因為佢豐富鮮艷嘅顏色，最主要係因為好吸引嘅大舊肉肉🤤花腩肉肉質鬆軟，不費吹灰之力就可以將佢切開，入面仲好juicy✨伴碟嘅黃色醬好細滑，食落有清新柚子味，加埋楓糖漿超yummy😋最後食埋傍邊清甜嘅蜜柑清一清個口，準備食甜品～
🔸鹹蛋黃雪糕．豆腐雪糕．黑糖腐皮．西米脆片🔸
第一次發現原來鹹蛋黃可以整雪糕，冇理由唔試下😳入口起沙，仲有濃郁鹹蛋黃味，真係好有食鹹蛋黃個種口感，少少鹹又甜甜地，好有驚喜❗️豆腐雪糕亦唔遜色，香濃豆味，相較鹹蛋黃雪糕比較清新，建議先食～
🔸粟米雪糕蛋糕．白朱古力乳酪冰🔸
粟米外形好得意，食落仲咬到粟米衣，整個糕點非常軟糯有咬口🌽白朱古力乳酪冰則重乳酪味，酸酸地，絕對唔怕會膩😆
今餐每道菜式都尤如藝術品，食材顏色嘅配搭同擺盤，令每道菜都好有視覺享受，單憑菜式名根本估唔到係咩樣，唔單止樣靚，味道亦好出色，有機會一定再嚟encore👍
張貼
