夢 (已結業)

演繹菜式嘅方法別樹一格，款款精緻新奇，令人大開眼界。北海道帆立貝他他+法國魚子醬賣相精緻，米紙用咗櫻花蝦、墨汁同粟米入饌，所以分別呈現3隻唔同顏色。北海道帆立貝他他用魚子醬裝住，用咗食用花仲點綴，色彩繽紛夠吸睛！帆立貝他他質地軟得嚟帶彈性，爽甜多汁，魚子醬甘香豐盈，入口化成複雜嘅鮮味，鮮甜味美。同米紙一齊食，一脆一軟，口感豐富。螢光魷魚脆筒賣相一流，創意滿瀉。脆桶由多種蔬菜整成，入面係螢光魷魚碎同飯，入口鹹鮮味濃，唔油膩，口感富有層次。