98
4
1
港鐵中環站 D2 出口, 步行約3分鐘 繼續閱讀
電話號碼
22860860
開飯介紹
餐廳裝潢具時尚感,低調而不失奢華。主打懷石料理及廚師發辦,菜式造型精緻,宛如藝術品般。亦提供各式的日式丼飯。 繼續閱讀
營業時間
今日營業
12:00 - 14:30
18:00 - 22:00
星期一至六
12:00 - 14:30
18:00 - 22:00
星期日
全日休息
付款方式
Visa Master 現金 AE 銀聯
其他資料
網上訂座
酒精飲品
切餅費
電話訂座
賞訂座積分
加一服務費
有關獎賞計劃
食評 (107)
餐廳位於商業大廈嘅一樓,如果唔係上網見到人介紹,真係唔知有間餐廳喺度😲餐廳格局唔大,大約坐到20幾人,所以啲booking 都好滿。環境方面有好好利用鏡面同光線去營造返個空間感,我地坐2人枱唔會覺得同隔離枱好近,環境一啲都唔侷促。介紹返個餐牌先💁🏻‍♀️我哋當晚餐牌上有三款omakase,佢哋嘅分別係有部份主菜唔同:🔸季節懷石($1,380): 主打熟食🔸紫set($1,680): 主打刺身壽司🔸夢 set($1,980): 結合左季節懷石同紫set 入面最出名嘅菜式我哋揀咗夢set💕,食懷石料理梗係唔少得要襯返支sake🍶,佢哋會攞一盤唔同款嘅清酒杯俾我哋揀,真係每款都好靚,有啲仲有金箔!我哋叫咗支「李白」,定價合理,酒入口醇和,清甜順滑,米香味係口中溫和地散發,非常適合平時唔太飲酒嘅女士!成個懷石料理一共有12道菜:❤️ 第一道「先付」炸迷你鮎魚 - 鮎魚係靠魚旗支撐在石頭上,而魚身係凌空㗎,經理話要條魚夠新鮮先做到呢個效果!佢炸得好香脆,由魚尾開始食到魚頭,連骨都食得㗎!鮎魚本身味甘帶苦,未必符合每個人嘅口味,但用黎佐酒就幾正!好食度:⭐️⭐️⭐️✨(3.5/5)❤️ 第二道「八寸」呢道菜一上台即刻帶比我無限嘅視覺衝擊,由之前嘅櫻花樹變咗今季嘅紅葉樹🍁無論係擺盤定係食材都隨着季節變化,依次序食食材有粟米,栗子,芋頭,無花果,每一小啖都比你感受到食材本身嘅味道!好食度:⭐️⭐️⭐️(3/5) ❤️ 第三道「鮫鰈魚刺身二食 」白身魚魚味本身偏淡,師傅用一整塊粉色鹽板托底,滴幾滴青檸汁喺塊鹽板上,掃兩掃之後魚鮮味即刻出晒嚟!😍而紫蘇葉後面就係第二食,用鮫鰈魚刺身包住切咗絲嘅醃製茗荷,好好食!好食度:⭐️⭐️⭐️⭐️✨(4.5/5)❤️ 第四道「脆米紙配魚子醬帶子他他」脆米紙分別係粉紅色嘅玫瑰味,黑色嘅墨魚味,同埋綠色嘅綠茶味,帶子他他上面啲花瓣係師傅一粒一粒咁放上去㗎!真係少啲心機都唔得!將魚子醬同埋啲帶子他他撈埋,放喺脆米紙上面食,魚子醬啲鹹香帶出帶子嘅鮮味,唔錯!好食度:⭐️⭐️⭐️⭐️(4/5)❤️ 第五道「刺身二品」你係冇諗到師傅對於兩款刺身擺盤都可以咁講究呢?😂響螺肉好彈牙,但我本身唔中意螺肉陣味。深海池魚切得非常之厚身,魚脂好香但唔會漏,啱啱好。好食度:⭐️⭐️⭐️⭐️(4/5)❤️ 第六道「創作料理」師傅話佢用咗一個月時間去研究呢道分子料理,餐廳經理叫我地就咁試一啖泡泡先,試完之後覺得一定係用咗好多蝦同蟹先做到咁濃縮嘅泡泡🤯好濃郁!之後就撈勻佢,連埋啲龍蝦蟹肉海膽再加三文魚籽放入口,每一啖都係海鮮精華😳好似成個太平洋放咗入口,置身係海洋之中!🧜🏻‍♀️好食度:⭐️⭐️⭐️⭐️⭐️(5/5)❤️ 第七道「中秋限定刺身」呢道個擺盤又係靚到哇一聲😍淺藍色嘅湖水(真係水黎),再加埋啲石景,擺設非常有心思!食嘅順序係:兩件鯖魚,兩件銀鱈魚,同樣地嗰皮都係有燒到,呢啲本身魚油咁飽滿嘅魚再燒一燒,真係冇得彈!😋到最後就分別係赤身中拖羅同埋大拖羅,呢三個都係好高質,油脂感非常之豐富,食完成個口都仲有個餘韻喺度!食晒之後先係最大驚喜,因為你食完會見到有個月亮🌕嘅湖景,切合中秋主題。好食度:⭐️⭐️⭐️⭐️⭐️(5/5)❤️ 第八道「湯」師傅將龍蝦🦞釀入遼參底到,入口爽口彈牙!至於佢嘅湯底,望落去清到你以為真係清湯咁,但其實一上枱已經聞到好香嘅蝦味🦐飲落去濃郁! 另外可以將湯碗上啲爆谷放入碗中,增添口感。好食度:⭐️⭐️⭐️⭐️✨(4.5/5)❤️ 第九道「蟹屋蒸蛋」又係一個藝術品!出面隻蟹仔都可以食㗎,香脆可口!打開屋頂,見到浸咗蟹湯嘅蒸蛋🦀蟹味非常之鮮味!好食度:⭐️⭐️⭐️⭐️⭐️(5/5)❤️ 第十道「A4鹿兒島和牛」呢度師傅好細心咁考慮到客人食到呢度已經有啲濟,所以採用咗A4和牛,冇咁油膩!😆經理叫我地望吓葉上面嗰三滴水,原來每碟都有😂,可以睇得出師傅對美感嘅堅持!好食度:⭐️⭐️⭐️⭐️(4/5)❤️ 第十一道「海膽飯」又係一道將成個太平洋放入口嘅菜式!好好味!但要記得撈勻先好食,因為一層一層食就會食唔到各種食材互相衝擊的味道!好食度:⭐️⭐️⭐️⭐️✨(4.5/5)❤️ 第十二道「黑松露意大利飯」最後兩道都係飯,原本以為自己飽到食唔到,但食咗第一啖勁香濃嘅黑松露意大利飯之後,就停唔到口😂成個飯食晒。雖然呢個係意大利飯但係師傅係用咗日本珍珠米去煮,想盡量用返日本嘅食材!好食度:⭐️⭐️⭐️⭐️✨(4.5/5)❤️ 最後一道「海鹽雪糕」食到呢度已經飽到上喉嚨😆好彩甜品係雪糕,有啲海鹽中和返個甜度,唔會太漏,收尾收得唔錯。好食度:⭐️⭐️⭐️⭐️(4/5)餐廳推薦度:⭐️⭐️⭐️⭐️✨(4.5/5)不得不讚呢度嘅服務真係一流👍🏻佢哋每一道菜都詳盡介紹,你有唔明嘅地方都會好樂意咁解答,又會時不時同你傾吓計講吓笑,令到成餐飯都食得好開心。佢哋仲好細心咁留意到我係左手渣筷子,幫我將豉油碟由右邊放到去左邊。🥰呢份細心真係睇得出佢哋係由心服務客人!非常值得加分! 繼續閱讀
(以上食評乃用戶個人意見 , 並不代表OpenRice之觀點。)
等級3 2021-02-26
0 瀏覽
第一次係香港食懷石料理,之前係ig睇到依間餐廳啲擺盤幾靚,黎過之後更加發現每道菜都好似藝術品咁,真係味覺同視覺既享受😳而今次試既係$1380既季節懷石🌸✨先付 - 螢光魷魚脆筒🦑外層既脆皮係用紅蘿蔔製成,包住螢光魷魚,咬落首先感受到鬆脆,然後再感受到螢光魷魚既彈牙,慢慢咀嚼後魷魚既鹹香滲出黎,好惹味,令人更加期待接下來既菜式😋✨八寸哩盤五顏六色嘅擺盤,裏面有四款料理,各具特色。枝豆南瓜蛋帶有淡淡既甜味,就連唔好南瓜既我都接受到。白蘆筍配黑松露,松露味唔算濃,可能係因為用上summer truffle。無花果粟米啫喱,清清地幾fresh。最後哩條魚,唔記得左叫咩名,亦都唔係好深刻印象😕✨膾 - 北海道帆立貝他他配三色米紙🐚鮮甜既帆立貝加上帶鹹香既法國魚子醬,加埋啲花瓣真係好靚,再配上米紙食,成個口感好豐富。米紙分別係wasabi、墨汁以及櫻花蝦味,其中櫻花蝦味最為突出。✨刺身 - 伊佐木、深海池魚、金目鯛✨椀物湯頭用上瀨尿蝦煲,非常鮮甜,中間粒丸子係以瀨尿蝦、魚肉、枝豆、銀杏、蘿蔔等製成。至於面頭有啲好似爆谷既稻穗,為個湯帶黎左啲咬口同米香🌾✨煮物 - 毛蟹蒸蛋🦀依道菜上枱之後,師傅會係蒸蛋上淋上一層用蟹製成既醬汁,蒸蛋好滑,當中仲有一絲絲既蟹肉,蟹既鮮味完全封鎖係哂入面。✨揚物 - 油揚金鯛配龍蝦汁第一次食有鱗既魚,魚鱗好似薯片咁卜卜脆,魚肉亦都保持柔嫰,佐以濃烈既龍蝦汁,鮮味更加突出。✨箸休紐西蘭Scampi、日本海膽、毛蟹、三文魚子同龍蝦汁泡泡全部就聚集係個海膽殼裡面gathering,味道就唔洗講冇得輸,可以用驚艷黎形容,鮮味不斷係口腔裡面徘徊。✨主菜 - 鹿兒島A4和牛🐂肉質柔軟無筋,無論配搭日式xo醬抑或低溫洋蔥汁都好出色。✨食事 - 黑松露 risotto普遍香港人食唔慣正宗既意大利飯。以日本糯米代替意大利米,能夠保有risotto應有既煙韌口感。師傅好大方咁係面頭刨左好多新鮮黑松露片,醬汁充滿黑松露香,再配以雜菌更加令成件事昇華左🧡✨止椀 - 味噌湯✨甘味 - 黑松露雪糕師傅知道我地專程黎到幫襯佢,將我地個甜品升級左做黑松露雪糕。之前都聽過有依樣野,食就真係第一次,啲黑松露碎既口感好似食緊朱古力咁幾特別🤩 繼續閱讀
(以上食評乃用戶個人意見 , 並不代表OpenRice之觀點。)
等級2 2021-01-02
590 瀏覽
送走2020年的最後一個午餐,當然陪著至愛渡過,看了分享選了「夢」頗有意思,人生如夢,夢:也許沒有奢華格局,夢:也許尚未摘星!夢:主廚確實用心做菜,夢:待應確實待客賓至如歸,夢,確實米之蓮餐廳般收費。去後最大感受係:如果你想同朋友傾下計,千萬不要坐bar 枱,因為我足足聽了超過12次,sorry 我打撓一下你們,同事介紹了這道菜式未?我來介紹一下!上12 個course ,聽12次。中午食飯時間有點緊張,要食2-3小時的懷石料理,我一早選餐,酒及付款,也說要收據,當天酒就俾錯,錢當然要補付,單再追及等才有收據。administration procedure 有待提升! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-29
417 瀏覽
又到聖誕節,一早預約了我其中一家心愛的餐廳的聖誕大餐。這天的聖誕餐單有12道菜及一杯飲品。飲品在香檳與清酒中我選擇了清酒🍶,清甜冰涼的清酒多到滿瀉,師傅在侍應斟酒時不停叫:「多一點!多一點! 」氣氛興高采烈。先付很快上了第一道菜,當侍應放下禮物盒子的時候,我和隔壁的食客都開心得尖叫,禮物盒子精緻漂亮,賣相一流,所有女士都很開心。侍應也很識做,介紹說是餐廳送給客人的聖誕禮物,打開後是一個開胃小吃,小小的雪糕筒內是法國藍龍蝦配海膽醬、黑松露、三文魚子,脆皮也是自家製的,放了少許香蔥,很薄很脆,一口吃下有龍蝦刺身的冰冷、甘甜有彈性的口感,海膽的甘香creamy 丶三文魚子的鮮味及黑松露的香氣。美中不足是太細件了,不夠喉。評分:8.5/10八寸接下來是第一個高潮位-八寸,這裏的八寸一向是招牌之一,賣相會隨着季節變化,是來到這裏必定要拍照的一道菜色。因應季節,這次八寸的主題又變了,因應冬天及聖誕節,這次是可愛的雪人小屋。四款小菜分別是:橙色:白蘆筍配佃煮,白蘆筍很清甜,正好清一清口腔。綠色:瑤柱入口仍然微溫,滿口海鮮的鮮味。小屋內:北海道遼參釀龍蝦及枝豆,海參爽滑,龍蝦甘甜,不錯。粉紅色:章魚草莓泡沫🍓章魚已經軟霖入味,屬於醬油口味的,比較濃味,配上草莓泡沫的香味及微酸,增添口味上的對比。評分:8.5/10膾:石垣鯛這裏的膾會根據不同時節使用不同的白身魚,一般提供兩種吃法,兩片薄切的魚肉片及三片魚肉卷,魚肉卷內是茗荷及酸汁啫喱。刺身會放在喜馬拉雅岩鹽的鹽板上,粉紅色的鹽板令賣相更可愛,附上一篇清醒,吃的時候先把幾滴檸檬汁再鹽板上,刺身點上鹽及檸檬汁代替醬油及山葵,味道清新。我個人比較喜歡魚肉卷,因為名荷的清新薑味及啫喱的酸甜味道令魚肉的鮮味更上一層樓。評分:8/10薄切:帆立貝他他配三色米紙帆立貝他他用上魚子及柚子調味,拌勻後一起吃,味道清新。自家製的三色米紙分別是黑色的墨魚汁味、粉紅色的櫻花蝦口味、綠色的抹茶口味。吃法是把帆立貝他他放在米紙上一起吃,不過我嫌米紙的味道太濃郁,顯得清淡的帆立貝他他味道不夠突出,所以我喜歡分開吃,既可以享受三種米紙各自獨特的口味,也可以吃到帆立貝清甜的味道。評分:8/10刺身三品是第二個一定要打卡的菜式。和八寸一樣,賣相及刺身種類也會隨季節變化,所以每一次來吃也是不同的驚喜。之前秋天來的時候擺盆的主題是荷塘影月,切合中秋節的主題,這次冬天的版本是霜淞雪景。白雪的原料是鹽花,小樹枝上掛滿了白雪,形成霜淞現象,整個擺盤美不勝收,如夢如幻,一瞬間有一個錯覺,以為自己去旅行,到了日本賞雪。欣賞了好一會兒才捨得吃,侍應特別提醒享用時要小心,若刺身不小心掉中鹽花中,鮮魚就要變成鹹魚了。今天的刺身三品:須萬鰹(黑色皮)鰤魚(雪白)鮪魚三款(赤身、中拖羅、大拖羅)須萬鰹魚肉柔軟,魚皮燒得剛好,咬下去甚至發出「咔」的清脆聲音,魚肉是屬於越咀嚼越鮮味的類型,甚至比吞拿魚更鮮味。鰤魚魚肉雪白,魚肉有彈力,口感爽脆,可以充分的享受口感。三款鮪魚則是一如既往的美味,所有刺身都很新鮮,赤身鮮味,中拖羅肥美柔軟,大拖羅入口即溶,各有特色。評分: 9.5/10碗物:吃完生的食物,開始上熟食了。碗物上場時在碗上放上一條稻禾,經過油炸,有點像爆谷的感覺,打開碗蓋可見雪白的魚肉及三色丸子。這碗湯的湯底是羊肚菌湯,很有菇菌的鮮香。三色丸子分別是粉紅色的糯米、黑色的甜豆及綠色的枝豆丸。魚肉是石斑魚,石斑魚的魚肉比較結實,由於需要少許咀嚼的時間,因此我略嫌調味清淡。吃到一半可以改變口感,把炸好的稻米放入湯中,可以增添脆脆的口感及香氣。評分:7.5/10揚物:目光魚接下來是炸物的時間,師傅首先在面前放上一塊熱石,然後才把目光魚放上。師傅解釋說目光魚是因為在海中雙眼會放過,所以才得名目光魚。整條魚炸得酥脆,可以連骨吃,由尾部吃到頭。剛剛炸起,仍然是新鮮滾熱辣,使用簡單的鹽調味,魚肉異常鮮味,肉質細嫩,可以吃到魚汁,十分滋味。評分:8.5/10強肴勢子蟹在漂亮的玻璃器皿內是香箱蟹,香箱蟹最近開始當做,底層的是蒸蛋,上面放上大量的蟹子、蟹膏及蟹肉。拌勻後一起吃,蟹子非常鮮,有卜卜的口感,鮮味比風乾的蝦子更鮮味,嫩滑的蒸蛋也可以中和鹹味,回味無窮。評分:9/10燒物:佐賀和牛師傅今天強烈推薦和牛,這次訂的佐賀和牛質量特別好,師傅還專門拿出來給客人欣賞佐賀和牛的質素,證明師傅對質量非常有自信。佐賀和牛以烤洋蔥墊底,配上自家製的XO醬及洋蔥醬,擺盤也造成日式庭園的感覺。牛肉比一般的和牛更重肉香,油脂也更為豐富,越咀嚼味道越甘香,配上不同的醬汁更有不同的風味,每一口的滋味也不一樣, 很享受。評分:9/10海膽創作料理一向很愛這家店的招牌創作料理,因為我很愛很愛它的三文魚子!我以前一直不愛吃三文魚子,因為覺得太鹹,但是家的是自家醃製,以柚子調味,味道甘甜鮮美,我是只吃這個三文魚子的。拌勻海膽丶三文魚子丶黑松露後一起品嚐,豪華得不得了。評分:9/10味增汁味增汁比其他店的清爽,放有白蘿蔔,上桌時仍然熱氣騰騰,正好暖胃。評分:8/10和菓子最後甜品是和菓子,有兩款:宇治金時大福及福崗草莓。宇治金時大福入口仍然是熱的,外皮的抹茶及糽豆內餡很夾,我覺得抹茶味可以更濃。福崗草莓品質不錯,上面的草莓慕絲泡沫加入cream, 更添美味!評分:8/10總評分:9/10 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-23
397 瀏覽
因為限聚令原因 餐廳勒令早收廚師可以安排係下午食晚餐既omakase set我地揀咗兩個「紫」 $1680/per set.呢間餐廳算係我食過最有心思設計既廚師發辦,今次主題係冬日聖誕,每位廚師都係藝術家,將擺盤既技術發揮到淋漓盡致,所有女士見到都會心心眼呀😍 十分驚喜.從廚師口中得知佢地會定期捻主題去吸引客人,有時放工會帶埋返屋企砌,落足心機.圖片順course次序列果味泡沫配搭蕃茄仔based ..第一驚喜出現 好有聖誕氣氛既前菜藏有4個分子小前菜 屋仔入面仲收埋咗1個分別有芋泥、wasabi、carrot同蟹肉波菜..刺身特別一讚係鮑魚,好新鮮爽甜,一啲都唔韌..帶子蓉配魚子醬略嫌刺身蓉比較淡而無味 落豉油可能會好少少..紐西蘭龍蝦肉 + 蟹肉蟹膏球..第二個驚喜就係好有落雪氣氛既刺身併盤真係擺得好靚 好有節日氣氛三款刺身都係好肥美 入口充滿油脂Toro呀😍..朋友係魚塘主題 一樣好有feel..湯係透明底,我自覺味道好淡個人比較偏好海鮮味濃既麵豉湯..壽司五貫 + 炸魚仔..第三驚喜 識發光既海膽飯個幻彩器皿好靚 咁小分量的確唔夠喉既..最後甜品加麵豉湯 繼續閱讀
(以上食評乃用戶個人意見 , 並不代表OpenRice之觀點。)