影片
更多
2016-12-10
1173 瀏覽
日本嘅鐵板燒通常都會給予人一種高級，且昂貴嘅感覺， 皆因鐵板燒通常用料上乘， 大廚會喺食客面前即席烹調， 係滿足味覺之餘， 對視覺、聽覺都係一種好好嘅享受。望著大廚帶著拿著無敵鴛鴦鏟輕輕一揮，除咗聽到鑊鏟同埋鐵板撞擊發出嘅鏗鏘聲音， 亦能見到 大廚如何將食材烹調成美食。今日K先生和我就去咗尖沙咀亞士厘道嘅上樓餐廳《 心鐵板燒》 品嚐一頓豐富嘅和式鐵板午餐。一坐低就能夠感受日本餐廳嘅嗰一份細心， 店員預先預備好熱毛巾，供我們抹手之用。 亦為我們著上圍裙， 以防一不小心將心愛嘅衣物弄污。今次叫咗鐵板燒自選午餐， 每位$398， 有前菜、海鮮、肉類、炒飯、麵豉湯、炒椰菜同埋甜品。 以呢個價錢有咁多款式， 尚算超值。前菜係蟹肉沙律配日式醬汁， 蟹肉雖然唔係新鮮蟹棒， 但味道清甜， 伴以日式麻醬以及新鮮嘅沙律菜， 感覺清新，開胃。海鮮方面點左日本蠔， 大廚將櫻花蝦加上燒好嘅蠔上面， 蠔肉飽滿，而且充滿蠔香， 櫻花蝦能夠提出海鮮嘅鮮味，食落更有一點脆感。第二道海鮮深海石斑柳， 石斑柳肉質煙靭得黎嫩滑， 肉質鮮美， 第一口可以品嚐原味，亦可以沾兩種醬汁Tartar sauce 以及番茄乾。 他他醬有
今日K先生和我就去咗尖沙咀亞士厘道嘅上樓餐廳《 心鐵板燒》 品嚐一頓豐富嘅和式鐵板午餐。
一坐低就能夠感受日本餐廳嘅嗰一份細心， 店員預先預備好熱毛巾，供我們抹手之用。 亦為我們著上圍裙， 以防一不小心將心愛嘅衣物弄污。
今次叫咗鐵板燒自選午餐， 每位$398， 有前菜、海鮮、肉類、炒飯、麵豉湯、炒椰菜同埋甜品。 以呢個價錢有咁多款式， 尚算超值。前菜係蟹肉沙律配日式醬汁， 蟹肉雖然唔係新鮮蟹棒， 但味道清甜， 伴以日式麻醬以及新鮮嘅沙律菜， 感覺清新，開胃。
海鮮方面點左日本蠔， 大廚將櫻花蝦加上燒好嘅蠔上面， 蠔肉飽滿，而且充滿蠔香， 櫻花蝦能夠提出海鮮嘅鮮味，食落更有一點脆感。
第二道海鮮深海石斑柳， 石斑柳肉質煙靭得黎嫩滑， 肉質鮮美， 第一口可以品嚐原味，亦可以沾兩種醬汁Tartar sauce 以及番茄乾。 他他醬有油酸青瓜， 可以消除油膩感。 蕃茄乾就較特別， 帶著濃郁嘅番茄味， 跟石斑柳相當匹配。
黑毛和牛鐵板燒， 係我最期待嘅鐵板燒食材，和牛平均佈滿油雪花，大廚煎嘅火喉剛剛好，五成熟，入口即溶。油香佈滿整個味蕾， 可以除個人口味沾上岩鹽或wasabi， 以進一步提升味道。
豚薄燒，裡面包入泡菜， 魷魚豚肉切成薄片， 所以邊位煎得非常香脆， 樣入嘅泡菜亦同豚肉相當夾， 泡菜帶有微酸辣， 中和脾肉嘅油分。 起初以為伴菜係薯蓉 ， 一試之下原來係蘋果蓉， 蘋果蓉味道清甜， 配埋豚薄燒食， 令人有驚喜。
小女子炒飯， 其實係魚乾蔥花蛋炒飯。 炒好嘅飯粒粒飽滿分明，色澤金黃。 裏面嘅魚仔除咗營養豐富之外， 亦能夠提出鮮味。 加上醃蘿蔔和蔥花一齊炒， 食落有點脆口感覺， 估唔到一碗簡單嘅炒飯， 都可以畀到人一種飽腹、滿足之感。
麵豉湯除咗麵豉味龍濃郁之外， 一帶有陣陣魚香， 一口喝下，暖意在心頭。
甜品為咖啡奶凍， 冇諗過日式鐵板燒嘅西式甜品都如此出色， 奶凍香滑， 咖啡味慢慢滲出，味道微甜， 為呢餐鐵板燒畫上完美句號。
《 心鐵板燒》服務一流， 大廚嘅烹調技術亦相當出色， 配合埋柔和音樂，令用餐氣氛舒適。雖然今次食到嘅食物種類不多， 但以這個價錢來說亦非常之合理。 有機會亦都會再次光顧晚市，能夠遠眺維港夜景， 應該有別一番體會。
張貼
