雪之工房 (已結業)

今日出葵芳睇戲，就順道過葵廣掃街啦！
經過哩間野，剛剛想食D甜野，就叫咗個鯛魚燒配雪糕($26)。
佢話等6-8分鐘，點知一等就等咗20分鐘，真係等到無哂胃口兼面燶！！！
算，諗住等咁耐又咁貴，質素應該唔差啦，點知……雪糕無奶味，口感好削，好明顯係為咗慳成本溝稀咗，牛奶公司都好食過佢；個鯛魚燒雖然係即整，熱就夠熱喇，但一D都唔脆，最大鑊係……食到個「魚尾」位係唔熟架！！！！一pat pat又濕又粉，真係食到想嘔！
好後悔啊，早知食其他雪糕店好過啦！