和牛燒肉一郎 (寶漢大廈) (已結業)

返工咁辛苦收工梗係要對自己好啲，食好啲黎獎勵吓自己！ 好想食好味既肉肉，所以就黎左和牛燒肉一郎佢地既menu有唔同既套餐，今次我哋就選擇咗中價嘅C套餐！首先就會上一條肉肉既船，上面有多款唔同嘅肉類、海鮮同蔬菜，打卡一流！另外仲會有桶盛合2款，係和牛黎架！入口即溶都幾正呀！我哋試咗好多款餐牌上面包括左嘅牛肉，我幾鍾意個牛舌，厚度岩岩好，好快燒得熟，口感又爽口另外一款我比較鍾意嘅牛肉就係大判壽喜燒哦牛脊肉，甜甜嘅壽喜燒醬汁加上蛋漿，味道夠哂豐富除咗肉類之外仲會有一啲熱食，個蛋花湯飯唔錯，夠蛋香d飯又咁腍，食咁多肉肉有個啖飲下冇咁dry 明太子小卷又係我既encore之選，因為我幾鍾意咸鮮既味道飲品有罐裝汽水同埋餐廳自己調製嘅飲品最後就係甜品，有好多款日本嘅雪糕同雪條，另外資助佢都會有啲小蛋糕，都真係幾多嘢食㗎