大澳餅店

營業中

休息中

講起大澳餅店，其實點只見一次食一次呢，有時我會專程入嚟，為嘅就係佢新鮮即炸嘅沙翁。因為我習慣早起，所以每次嚟到，佢都係剛開門或則在炸沙翁，所以次次嚟都有新鮮現炸沙翁食，誰說不是早起的鳥兒有蟲吃呢😁🤭。佢除左沙翁之外，其實椰撻同蝴蝶酥一樣都咁好味。平時我通常會買一兩包蝴蝶酥番屋企下午茶時用嚟配咖啡，超好味的！今次仲試埋佢地個合桃酥，都幾好味架。另外，大多數人都唔會為意，佢其實有杏仁朱古力同花生朱古力，超好味😋，不過我每次買完都唔記得影相就食哂😅，所以算係我嘅隱藏推介，唔怕肥嘅就去買嚟試下啦🤭。