影片
更多
2010-08-07
122 瀏覽
今日有親人生日,黎到呢間上海菜館食晚餐慶祝.本身我對深水埗,長沙灣一帶地方嘅餐廳有d意見,覺得一定好污糟,而且地方有雜.但係知道左黎食上海野就頂硬上啦;$入到去大約六點半,未有太多人.估唔到餐廳都幾乾淨,又冇昆蟲.之後叫完菜就食野喇!鎮江肴肉:酒味唔會太濃,淡淡地冇蓋過肉本身嘅味道,配埋類似Jelly狀嘅東東好得意.豬肉唔會話太硬,太肕,肉一咬開就見到肉絲好清淅咁出黎.但如果再凍d就好喇!蒜泥白肉:豬腩肉都算新鮮,幾正.至於粉皮唔會太厚,配落去幾正!但係就蒜味就略嫌唔夠濃,只係食到麻油味.小籠包:呢到嘅小籠包真係好好味!皮夠薄,湯汁好濃郁鮮甜,豬肉餡都好好.但唔知係咪皮太薄,個小籠包好易穿.如果改埋呢點就perfect喇回窩牛肉:呢碟好正呀!直頭剩係食個汁都夠呀!除左有椰菜,青椒,豆腐乾等等之外,個豬腩肉轉左做牛肉,不過完全唔會影響本身回窩肉應有嘅味,牛肉好好味!呢個可以用黎送飯賽螃蟹:又係呢一碟撈飯之選!賽螃蟹其實唔會話好多蟹肉喺入面,最主要都係靠蛋白,但如果蛋白整得唔好,唔夠滑,就成碟都走晒樣.但係呢到嘅賽螃蟹就冇呢d問題薑粒蛋白炒飯:飯炒得唔夠爽,佢唔係油,係濕!薑味都差d,食唔
入到去大約六點半,未有太多人.估唔到餐廳都幾乾淨,又冇昆蟲.之後叫完菜就食野喇!
鎮江肴肉:酒味唔會太濃,淡淡地冇蓋過肉本身嘅味道,配埋類似Jelly狀嘅東東好得意.豬肉唔會話太硬,太肕,肉一咬開就見到肉絲好清淅咁出黎.但如果再凍d就好喇!
蒜泥白肉:豬腩肉都算新鮮,幾正.至於粉皮唔會太厚,配落去幾正!但係就蒜味就略嫌唔夠濃,只係食到麻油味.
小籠包:呢到嘅小籠包真係好好味!皮夠薄,湯汁好濃郁鮮甜,豬肉餡都好好.但唔知係咪皮太薄,個小籠包好易穿.如果改埋呢點就perfect喇
回窩牛肉:呢碟好正呀!直頭剩係食個汁都夠呀!除左有椰菜,青椒,豆腐乾等等之外,個豬腩肉轉左做牛肉,不過完全唔會影響本身回窩肉應有嘅味,牛肉好好味!呢個可以用黎送飯
賽螃蟹:又係呢一碟撈飯之選!賽螃蟹其實唔會話好多蟹肉喺入面,最主要都係靠蛋白,但如果蛋白整得唔好,唔夠滑,就成碟都走晒樣.但係呢到嘅賽螃蟹就冇呢d問題
薑粒蛋白炒飯:飯炒得唔夠爽,佢唔係油,係濕!薑味都差d,食唔出有薑味
咸肉小棠菜:本身係津白,但我地轉左做小棠菜.但係呢碟野未免太過吝嗇左d喇掛!d菜少得可憐.就算個咸肉幾好味都假:@
章茶鴨(半隻):呢碟都幾好味,但係就乾左少少,又咸左少少.但係都唔錯.
炸銀絲卷:呢碟真係唔想講.係就係有一絲絲嘅效果,但係好實,一d都唔鬆軟
雪菜金腿蒸黃魚:黃魚幾新鮮,淡淡肉.但我地食到嘅酒味就似表面淋上去,入唔到魚肉裡面.至於黃魚咁清淡就配下雪菜同金腿黎食都幾match.
片兒川煨麵:湯底好正,麵都算彈牙,唔錯
香蕉高力豆沙:好好味嘅甜品,我超鐘意食!不過可能我鐘意食甜d,多d豆沙可能仲正
擂沙湯丸:個湯丸皮好煙韌,好軟.入面嘅芝麻餡好香,正
其實呢間冇咩味精,幾好味.但係要睇下你揀邊樣食,如果揀得唔係咁好就算你唔好彩喇XD
張貼
