樸生•素食 (已結業)

當晚平日，食7點。但因試業關係，所以人齊先入得。（正式後唔知會唔會仲係）呢點都不大問題，因為限時所以我覺得合理。等候唔算太耐，但提供咗一張2人枱，外加一張椅，都ok親密，枱與枱之間都一樣。食物款式真係唔多，賣點係火鍋，湯底有2款，試咗羽衣甘藍，cream味好重，但都不錯嘅。熟食真係好少選擇，因為放題位置太細，啲人夾得食物嚟啲人又唔好意思踎低拎碟，食物唔熱，可能店鋪電壓唔夠，途中都跳了好幾次，粉絲一餅餅；炸物好硬；配菜變主菜，好少主菜款；refill速度趕唔上食客進度，變相有空盤期。湯有兩款，其中一款寫泡菜豆腐湯但變咗茄膏稀釋嘅湯（失望）因為限時，途中有個應較高級嘅周不時都問同睇我地夠鐘而且言語上感覺好無禮。問心，呢個價錢唔值呢次光顧，亦都無某生果雜誌賣咁多嘢食，店鋪概念唔錯但真係要好好改善食物款式及温度、區域空間、同態度！