太平館餐廳

營業中

休息中

有親戚係外國返黎, 佢地都大大話話有幾十年無返黎香港, 所以都要帶佢地食番D特色本土美食. 唔好話親戚, 連隊長自己都未去過太平館食.最出名係瑞士汁, 當然唔會錯過雞翼同炒牛河, 真係唔好講少, 好想連隻碟都食埋! 特別係個炒牛河, 夠鑊氣, 唔會炒到個河粉一pat pat  果個汁真係精髓, 甜甜地, 又唔會狂加麥芽糖張住個口果種甜, 撈飯一流!至於個乳鴿同豬脾真係比下去, 淡左d, 唔係好入味........可能個雞翼同炒牛河已經搶晒味.去到最後, 一定要食埋個梳乎里, 但人多先好叫, 因為真係好大個, 同埋要趁熱食, 凍左個梳乎里會縮同變鞋, 係咪好好食, 又未至於, 因為覺得好似唔夠滑, 但一場黎到又真係要試下, 同埋比班親戚影下相!餐廳果班侍應叔叔其實都幾專業, 推介到野之餘, 都會睇番人頭, 唔好叫過量浪費食物