影片
更多
2022-08-24
46 瀏覽
元朗荃灣都有分店，今次就黎荃灣店，地點容易搵，o係荃灣千色店附近，地鐵荃灣站落，行5分鐘就到。一入門口有部古董既留聲機，原來如果有人慶祝生日職員會用留聲機播生日歌，夠晒特別，一大班人慶祝聚會可以黎呢度滾一滾，餐廳環境配套完全做到慶祝既氣氛。坐低無耐職員送上餐具，同時佢地準備了一盤熱水，職員用熱水將碗碟餐具o浪過晒熱水先俾我地，非常咁貼心同衛生，一百個安心！用qr code落單，又一乾淨及方便既安排。之後職員送上九宮格醬料，調好醬落埋單，急不及待，有得食！豬肚藏雞 胡椒豬肚雞湯鍋 $298每一款湯㡳都好吸引好想食，見呢款有豬肚同雞兩種材料於是就㨂左呢個~哈哈~上鍋時有一層層既仙氣飄出，吸引眼球，打卡影相一流。湯底材料非常足，兩個人係食唔晒湯底既料，食極都仲有咁。豬腰$48厚切豬腰爽口，新鮮，一d腥味都無，湯底有豬肚，早知嗌埋豬潤，可以豬肚豬腰豬潤自制雜燴,以形補形🤣正。手打蟹子鮮蝦丸$78手打丸好彈牙，丸上面舖左細細粒既蟹子，有食到切碎既蝦粒，口感味道都令人滿足。菜苗帶子餃 $78水餃飽滿，熟左之後就算火鍋狂滾，水餃依然係好靚仔唔會爆皮，菜苗同帶子混合既內饀，結實足料，好食。自家制足料竹
一入門口有部古董既留聲機，原來如果有人慶祝生日職員會用留聲機播生日歌，夠晒特別，一大班人慶祝聚會可以黎呢度滾一滾，餐廳環境配套完全做到慶祝既氣氛。
坐低無耐職員送上餐具，同時佢地準備了一盤熱水，職員用熱水將碗碟餐具o浪過晒熱水先俾我地，非常咁貼心同衛生，一百個安心！用qr code落單，又一乾淨及方便既安排。之後職員送上九宮格醬料，調好醬落埋單，急不及待，有得食！
豬肚藏雞 胡椒豬肚雞湯鍋 $298
每一款湯㡳都好吸引好想食，見呢款有豬肚同雞兩種材料於是就㨂左呢個~哈哈~上鍋時有一層層既仙氣飄出，吸引眼球，打卡影相一流。湯底材料非常足，兩個人係食唔晒湯底既料，食極都仲有咁。
豬腰$48
厚切豬腰爽口，新鮮，一d腥味都無，湯底有豬肚，早知嗌埋豬潤，可以豬肚豬腰豬潤自制雜燴,以形補形🤣正。
手打蟹子鮮蝦丸$78
手打丸好彈牙，丸上面舖左細細粒既蟹子，有食到切碎既蝦粒，口感味道都令人滿足。
菜苗帶子餃 $78
水餃飽滿，熟左之後就算火鍋狂滾，水餃依然係好靚仔唔會爆皮，菜苗同帶子混合既內饀，結實足料，好食。
自家制足料竹蔗茅根 $68
飲料係放係非常精緻既砂壼度，已經隔左渣，一壺起碼可以夠一台6人飲，一定要嗌。
其他菜同火鍋材料都有好多選擇，價錢亦都相宜。仲有前菜可以選擇，多花款。
睇得出係用心既餐廳，係裝修佈置用料方便都係有心思，細微至紙巾座，牙籤盒，都係精心挑選過襯番餐廳格局既款式。加湯既湯壼都係選用長咀古式既重身壺，用心在細微位，值得更多支持。打邊爐一定要試大滾友！
張貼
