西麵 (已結業)

西麵又係位於屯門華都嘅一間小店舖今日嘅午餐有呢啲選擇金黃色嘅餐具顯得比較高尚香蒜和牛炒意粉 $68本來以為和牛先係今次嘅主角， 冇諗到個意粉會出奇地好食， 意粉嘅蒜味好香好重，而且軟硬適中又帶有少少咬口， 無論味覺定係嗅覺，個香味都令人食慾大增， 而和牛正常發揮牛味可以。是日餐湯+$6 柚子梳打+$6蘑菇忌廉湯好濃厚， 唔會稀到好似水咁， 入面有好多蘑菇， 呢六蚊絕對值得加!整體嚟講雖然呢度嘅地方唔算好大，但係長期都滿座，可見佢呢度嘅食物質素係有返咁上下