Shine (已結業)

#shine餐廳裝飾燈光比較暗帶黃光，所以影啲相啲色都怪怪地😂。入到門口左面有張比較長吧台，右面就係餐枱， 枱與枱之間都有一些距離，坐落唔會感覺太迫。前菜方面我地選擇左 #牛油果大蝦沙律，味道適中，最得意係大蝦連同牛油果一起食會食到三文魚刺生味🤣。沙律🥗比想像大兜。小食叫左#西西里番茄煙肉焗薯皮，薯皮裹面放左番茄醬煙肉同加左層芝士焗，口感同味道同平時食肉醬味道差唔多，薯皮好香薯仔味同個醬好夾。主菜就要左#北海道帶子明太子意粉配三文魚籽&#燒西班牙黑毛豬扒配蘋果蓉意粉方面好creamy帶子鮮嫩但略嫌明太子唔夠多。西班牙黑毛豬扒可以揀全熟或者七成熟，建議揀七成熟，肉會帶點粉嫩而且比較滑嫩。蘋果蓉同埋蘿蔔蓉都可以減低肉嘅油膩感。冇諗過豬可以煮到好似牛肉咁好食，肉味重同口感似牛肉尤其是帶點肥膏嘅肉最好食。推介！