泰道 (已結業)

放工老公接我們入西貢嘆泰菜，一早訂位同個朋友仔慶生，夠晒有心思啦！ 其實原先諗住去BBQ, 驚受天氣影響更係諗定後著，而且朋友好喜愛泰菜，所以決定西貢遊下同食個晚飯囉！其實除左泰菜還有BBQ樂園同Live Band嘅酒吧。以前係中菜轉左泰菜都唔算太耐。拍好車沿著燈光行就到，燈飾好靚天氣又幾清涼，但驚有蚊咬所以揀入室內，其實再凍d必定選室外，甚有氣紛！ 餐具都幾特別大頭虾冬蔭功湯酸酸辣辣甚開胃，越飲越辣，但味道就好均勻，大蝦開邊更出鮮味，香矛辣椒雜菇泰菜獨有香濃。 熱辣辣口腔同個胃暖粒粒！好正呀！炸軟殼蟹柚子沙律軟殼蟹炸得香脆可口，配埋柚子腰果乾蔥香虾青檸汁，非常地道好好味，層似口感脆同多汁，酸甜鹹辣甘！香芋雞肉粒焗飯用上石鍋上枱時還滋滋，夠熱又夠鑊氣，香味撲鼻，粒粒飯內藏著香芋粒雞粒雜菜粒，好爽口，我忍唔住都食左兩碗！ 鹽燒盲曹魚肉極滑又香，啖啖肉，醮點辣汁好夾。泰式燒雞好香熱辣辣上枱，皮脆微微焦碳香肉嫩多汁，好好食好耐無食過咁正，真心可能醃料自家秘製，食到用上唔同香料黑椒，又入味。開心甜品更要有泰國代表~芒果糯米飯，配椰奶無得輸，微暖煙韌糯米飯+超香甜芒果+椰奶，贏晒，食完回味再回