Nowhere Man (已結業)

舖頭細細，得十幾個位，假日都唔係好多人食。舖頭環境有好多相喺牆上面，有啲係有明星相，唔知道係咪喺娛樂圈好出名呢？*牛油果全日大早餐 (素) $98終於有All day breakfast冇香腸煙肉之類啦！牛油啱啱好熟，少少腍，放上烘脆咗嘅多士，加埋炒蛋，唔錯！雖然炒蛋唔夠香，但唔會成口油，而且仲有沙律菜、蘑菇、薯仔，真心好健康！雞扒配貝果包 $78貝果看似不錯，但口感唔煙韌，比較乾硬。雞扒炸到焦脆，但同樣比較乾。Latte $36咖啡夠熱，但啡味淡，奶泡厚又唔夠細緻。