Winstons Coffee (爹核士街)

營業中

休息中

之前飲過幾次latte 都唔錯，今次諗住試下mocha，但職員態度好麻麻🥲收錢嘅係一位中短髮女仔，我入到佢無打招呼（之前幾次都會打招呼），咁都無咩所謂。佢一邊執收銀枱嘅野一邊問我飲咩，咁我話要一杯ice mocha，佢就繼續係到執野。隔咗陣就好大聲問多次「要啲咩？！」我又再講多次要ice mocha，「ice mocha,60蚊呀！」其實環境唔嘈，佢唔使咁大聲😅比完錢佢就叫我出面等，之後佢就繼續執野，抺枱，搞一大輪先沖比我。但除咗我無人排隊嗌野，坐低嘅客都已經食緊野/飲緊野。最後一杯60蚊嘅mocha，朱古力粉未溶晒，一舊舊咁，一吸直頭會塞飲管，底下全部係未溶嘅朱古力粉。60蚊話貴唔貴，但比咁嘅服務同質素就真係好失望。