西環高街從來不缺有格調嘅餐廳，最近就俾我發掘到呢間 九鬼居酒屋，門面低調🤫，但一推門就知有料到！燈光昏黃🏮，充滿日式風情，無論係收工同同事嚟Happy Hour🍻，定係同另一半靜靜地撐枱腳👩❤️👨，都係絕佳選擇。佢哋唔單止係飲酒嘅地方，食物水準絕對都唔錯！👍
🍠 紫薯香梨沙律 $98 🍐 估唔到居酒屋嘅沙律都咁有驚喜！😮 紫薯嘅甜糯配上香梨嘅清爽，味道好有層次。聽店員講呢個係時令款式，會定期轉換，每次嚟都有新鮮感✨。
🦪 時令日本生蠔 $98🦪
呢隻日本生蠔師傅每日嚴選飛機貨，隻隻飽滿肥美。入口冰涼，質感滑溜creamy，帶住濃郁嘅海水鹹香同鮮甜後勁。簡單滴幾滴香水檸檬汁，Perfect！
🍦 三文魚他他 $69🐟 以為係甜筒？錯啦！呢個玩味十足嘅前菜，用一個迷你脆窩夫筒，裝住滿滿嘅新鮮三文魚他他。一手拎住，賣相精緻又方便，打卡一流📸！窩夫筒嘅香脆，配上三文魚嘅軟滑同醬汁嘅鮮甜，一啖咬落去，口感超豐富！
🤯 吞拿魚他他 $69💎 呢個絕對係痴線㗎！$69蚊，你冇睇錯，面頭有海膽同三文魚子！😱 底層係烤到香脆嘅鱈魚餅，托住吞拿魚蓉，再點綴上甘甜嘅海膽同鹹香嘅三文魚子。一啖入口，脆、軟、滑、鮮，四種層次喺口腔爆發！必點！🏆
🔪 九鬼時令刺身3點 $198 ✈️ 識食之人嘅懶人包。唔使自己揀，師傅每日會幫你揀定三款最靚嘅時令白身魚，保證你食到嘅都係當日飛機貨。
🍋 柚子脆雞皮 $58 🍗 佐酒一流嘅小食！雞皮炸到卜卜脆💥，完全唔油膩，再撈埋清新嘅柚子汁，酸酸甜甜，非常開胃，令人一件接一件！😋
🍢 串燒盛宴 🍢 嚟得居酒屋，點可以唔食串燒！
#雞皮 ($38)： 雞皮香脆，雞肝軟糯甘香，火喉控制得啱啱好🔥👌。
#免治雞肉棒 ($68)： 呢個絕對係必點！👉 雞肉軟骨打成，口感豐富，點埋日本蛋黃🍳一齊食，濃郁又滑溜，Perfect Match！❤️
✨ 推薦 ✨ 松露雞油扁烏冬 $98 今晚嘅MVP！🏆 成件事超邪惡😈但又幸福感滿滿😇！熱辣辣嘅扁烏冬，用香濃嘅雞油同黑松露醬撈勻，香味一上枱已經撲鼻👃💨。每條烏冬都掛滿醬汁，滑溜彈牙，食到舔舔脷！
今次最大嘅遺憾🤦♀️，就係無預訂到佢哋啲 燒鳥稀有部位！好似 雞提燈、雞喉管、雞白子 呢啲，聽講每日限量供應，係老饕先識食嘅好西😉。唯有下次訂位時mark實要試！📝
另外，佢哋仲有個 $298「清酒之旅」🍶，可以喺多款清酒入面任飲，對Sake迷嚟講絕對係福音🙏。今次揸車🚗飲唔到，下次一定要encore！👏
