4號烤吧 (已結業)

餐廳佔地非常寬敞，估計都有好幾千呎，枱與枱之間嘅空間相當充裕，仲有即棄圍裙供應俾食客，最正嘅係喺正中間有一部大電視，聽店長講仲可以用嚟唱K嘅添，真係有得食又有得玩。香辣雞煲，雞煲送上，伴侶見到面頭係海量嘅芫茜已經暗喜，辣度揀咗中辣，鍾意食辣嘅我地大叫過癮，雞肉嫩滑，配上五辛嘅香氣，無有得輸。椒鹽粟米，粟米清甜，特別鍾意佢上面嘅椒鹽唔會死鹹，連椒鹽都帶有少少甜味，讚。金菇肥牛卷，肥牛被串燒過後油脂四溢，同金菇有好好嘅發揮。燒新鮮白鱔，白鱔用料新鮮，外皮非常香脆，配合住嫩滑嘅魚肉，滿分。燒原條茄子，最後以呢個飽肚嘅原條燒茄子作結，面頭嘅蒜蓉同正話嘅椒鹽粟米同出一轍，亦都帶有微甜，好味。