餐廳環境唔錯，坐得舒服，員工服務態度好好👍🏻👍🏻
🌟冬蔭龍蝦湯流心牛角包🥐
冬蔭公湯響牛角包入面，好特別，湯唔會太辣，湯味濃郁😋
🌟 法國龍蝦湯流心牛角包🥐
龍蝦湯鮮味，而且龍蝦味濃郁，牛角包鬆脆，必點😋😋
🌟 燒美國生蠔🦪配泰式辣汁 x 泰式大蝦柚子沙律
生蠔🦪新鮮，肉味鮮甜，而且多汁，配上泰式辣汁有另一番風味，味道出奇既夾，好食😋
大蝦柚子沙律，大蝦🍤肉質彈牙，新鮮，加上柚子沙律，唔會太酸，好開胃😋
🌟 Thai Pearl Cocktail
用上菠蘿，椰奶，Rum 酒，再加其他泰國香葉，飲落好有泰國既味道，好易入口，唔鍾意飲酒既朋友都可以試下，唔錯😋😋
🌟 瑪莎曼咖喱和牛面頰
咖喱香濃，唔會太辣，好香嘅花生味，牛肉好滑，好軟熟，咖喱汁用黎配飯一流😋😋
🌟 冬蔭龍蝦汁燴海鮮
海鮮好鮮甜，新鮮，足料，龍蝦味濃厚，大蝦走油後外層香脆，鎖住肉汁，蝦肉彈牙，加上冬蔭湯，令鮮味提升😋😋
🌟 真空慢煮法式焦糖燉蛋
蛋味濃，香滑，焦糖唔會太甜，好脆，燉蛋底層用上椰絲，有泰式既味道👍🏻
🌟 椰子雪糕 配 風乾鳳梨 及 紫糯米
椰子雪糕香味十足，配上風乾菠蘿，紫糯米軟熟，唔會太甜，加埋椰奶，必點😋
