川之源

營業中

休息中

西環出左名多隱世美食，今次去到呢間正宗川菜川之源一去到店員就即刻沖左壺茶比我地，壺茶非常之香，呈少少綠色，又香又好飲👍🏻 值得一讚係店員真係好有禮貌，而且效率好快！－－－－－－1. 酸菜魚 $188兩個字形容「足料」魚肉鋪滿左成個湯面，而且湯入面有粉絲，粉絲吸晒成個湯既精華，非常好食🥰魚肉肉質細嫩，唔會一夾就散，湯底夠辣夠濃味2. 蒜泥白肉 $68成碟都係滿滿既肉🤤肉唔會太厚，肥瘦均勻，食完唔會好油膩，可能因為係小食，對比其他相對無咁辣3. 酸辣粉 $45酸辣粉重點係個湯，佢個湯真係配合得好出色，酸同辣唔會覆蓋過對方，而且薯粉好吸味😋