影片
更多
2019-04-14
519 瀏覽
忙咗成個禮拜，放假梗係要食好啲， 今日瞓晏咗起身，一於輕輕鬆鬆食個brunch， 不過成日食all day breakfast都好悶，今次試下新意思，係食比較特別嘅西班牙tapas。先叫兩杯西班牙菜必飲嘅 Sangria，一紅一白，芳香嘅葡萄酒加上水果，清新而開胃。先嚟嘅牛油果配吞拿魚他他同埋凍肉拼盤配番茄包， 淨係睇到都流曬口水。先講下吞拿魚他他，吞拿魚配上酸酸地嘅檸檬汁，同特製醬汁調味，加上清新開胃嘅牛油果，配埋脆脆嘅麵包片，食落非常之夾。拼盤就有西班牙辣肉腸同埋火腿，加上橄欖同芝士， 我就比較鍾意食呢度嘅辣肉腸，油脂豐得嚟， 加上煙燻嘅味道好濃郁，鐘意食cold cuts 嘅人必試， 蕃茄包亦都唔錯，味道好香。而呢一個香炸青椒仔亦都好特別，平時食青椒總會有陣生生地嘅青椒味道，呢個就唔會，而且食落好甘香，配埋酒一流。而呢一個炸薯仔粒味道都唔錯，有啲特製嘅醬汁， 香脆得嚟仲辣辣地， 個醬汁有少少似芝士醬，但就層次比較多，相當惹味。跟住嘅辣肉丸就好香蕃茄醬味， 細細粒既肉丸吸收曬醬汁，咬落又juicy 。跟住到主角之一嘅烤乳豬 ，外皮非常香脆多汁，中間夾雜咗少少嘅脂肪，但就唔會好肥，食
先叫兩杯西班牙菜必飲嘅 Sangria，一紅一白，芳香嘅葡萄酒加上水果，清新而開胃。
先嚟嘅牛油果配吞拿魚他他同埋凍肉拼盤配番茄包， 淨係睇到都流曬口水。
先講下吞拿魚他他，吞拿魚配上酸酸地嘅檸檬汁，同特製醬汁調味，加上清新開胃嘅牛油果，配埋脆脆嘅麵包片，食落非常之夾。
拼盤就有西班牙辣肉腸同埋火腿，加上橄欖同芝士， 我就比較鍾意食呢度嘅辣肉腸，油脂豐得嚟， 加上煙燻嘅味道好濃郁，鐘意食cold cuts 嘅人必試， 蕃茄包亦都唔錯，味道好香。
而呢一個香炸青椒仔亦都好特別，平時食青椒總會有陣生生地嘅青椒味道，呢個就唔會，而且食落好甘香，配埋酒一流。
而呢一個炸薯仔粒味道都唔錯，有啲特製嘅醬汁， 香脆得嚟仲辣辣地， 個醬汁有少少似芝士醬，但就層次比較多，相當惹味。
跟住嘅辣肉丸就好香蕃茄醬味， 細細粒既肉丸吸收曬醬汁，咬落又juicy 。
跟住到主角之一嘅烤乳豬 ，外皮非常香脆多汁，中間夾雜咗少少嘅脂肪，但就唔會好肥，食落仲好嫩滑。
而呢一個西班牙海鮮飯，淨係睇相都知道好足料，上面鋪滿咗海鮮，飯粒之間仲有雞肉，每粒飯都吸收咗海鮮同菜湯嘅味道，真係食得好滿足。
其實都食到好飽㗎喇不過估唔到仲有好吸引嘅churros做甜品。
配上雲呢拿雪糕同朱古力醬，一冷一熱嘅享受，真係好難形容， 呢間餐廳食到嘅西班牙菜都非常正宗，而且環境好舒服 ，聽聞平時星期日仲會有歌舞表演，可惜我哋夾唔啱時間嚟啦，希望下次再嚟睇過 ，兼且食好西。
張貼
