民家 (已結業)

話說日前有要事同朋友去左西灣河，係冇乜時間之下走左入呢間 "Min+ Cafe & Kitchen"。入都去坐低已經有些許 "中招" ge 覺悟：點解食飯時候 (i.e. 七點左右) 冇乜人ge?再睇睇 menu 亦都覺得唔係好揀得落手，就叫左個羊肉串燒跟飯同埋凍奶茶 (~$80)，而朋友就叫左個番茄海鮮湯飯同熱咖啡 (~$60)。等 ge 時候亦都越來越發現間野好食極有限，因為係廚房 ge 方向竟然不斷傳來微波爐 ge 叮叮聲!首先上檯 ge 係凍奶茶同埋熱咖啡。熱啡相信朋友會另外 comment，但係凍奶茶就非常不堪 -- 係落糖漿之前已經只有淡淡的奶味，而落埋糖漿之後 (只係落左一半) 就連奶味都飲唔到!個羊肉串燒跟飯其實賣相尚可，但係一試個飯... 點解個味咁熟面口 ge? 竟然同當年大學 canteen ge "十仔飯" 差唔多完全一樣，而羊肉串亦都食唔出係羊肉，完全冇羊味!結論係，是晚 ge 食物完全唔值埋單 ge $150。所以係呢度奉勸大家，如果想試下呢間野 ge 話，請三思!P.S. 估唔到第一篇食評就要喊... >_<P.P.S. Photos