鮨玥 (已結業)

山竹過後，鯉景灣面目全非，見到成地樹都覺得心傷。呢間喺暴風雨後新開張試業嘅日本餐廳，頓時成為一點紅，見到原來出名係食藍鰭鮪魚，一定要試試。鱈魚乾切得好薄燒得香脆，$38抵食。玥丼 ，見有咁多料都係$380，試一試呢個就知。材料都真係幾豐富，有海膽、金目鯛、北海道牡丹蝦、鮮帆立貝、磯煮鮑魚、魴鮄魚、蟹腳、鮪魚。要讚一讚帆立貝係非常新鮮，雖然見唔到即開，不過一咬feel 到乾淨利落，鮮味非常。跨外，鮪魚都好讚，肉質結實，入口就鬆軟，當然沒有溶化，但當感到材料係非常新鮮。象拔蚌、活赤貝赤貝係我最愛之一，很爽口，味鮮甜。鮮帆立貝因為太好食嘅原固，encore 多一碟，真係大力推介，果種鮮係非一般。甜品有三款雪葩，有菠蘿、蘋果、蜜桃揀，我就揀左蜜桃雪葩，真係一個蜜桃，好香甜。