鮨玥 (已結業)

周五鬆一鬆約左女朋友係西灣河蘇豪區二人世界，覺得好 relaxing隨心地走入一間日式餐廳，望落好high class，餐單其實幾大眾。首先叫個廚師發板：雞泡魚刺身。平日唔食魚刺身既女朋作出第一次，因為冇魚生果種腥味，食落幾似個雞肉咁。加上醬汁，三文魚子同蔥花，好正。侍應提醒一條條白色既原來係燒雞泡魚魚皮，好煙韌。低糖焦糖蛋： 好香口軟熟雜菜烏冬：總覺得個麵既味道同質素比個名好十倍。烏冬勁彈牙，仲有好多新鮮菜，抵食好味。燒青魚： 肉多，皮脆，骨勁少。吉列豬扒飯： 份量多，飯香 ，吉列炸得脆，入面又多汁。好味又好睇。我地每人一杯三得利生啤Suntory draft beer ，覺得今餐好完美。之後去左海邊漫步。