夢工房西日料理 (已結業)

近排同朋友食放題好似食上癮咁，前幾日先食完自助餐，今日又食過啦！今次朋友介紹去咗葵芳夢工房西日料理，葵芳地鐵站一出轉左就見到好爵中心商場，真係又近又方便。餐廳環境裝修有啲似酒吧，又幾特別，有好多卡位，今晚個場都好full。食物種類都好多元化，有刺身、壽司、拉麵、串燒、手卷、天婦羅、沙律、鐵板燒，就連火鍋都有，無論你想食飯或麵，生的或熟的，都總有一款啱你食，而且食物質素高，上菜快，性價比高，環境服務都吾錯。我朋友就大讚佢個羊架話好好味!除咗食物，飲品甜品都係任飲任食，飲品又凍又熱，罐裝汽水果汁啤酒或茶等等;而甜品有蛋糕、乳酪、雪條，仲有海鹽雪糕同冰真係必食！