影片
更多
2018-07-21
251 瀏覽
喺繁忙嘅觀塘，靜靜地有唔少嘅新大廈落成，唔少好嘅餐廳都慢慢進駐入呢類嘅新大廈，今日去試嘅就係其中一間。餐廳環境舒適，用上cafe嘅模式經營，佢唔只提供咖啡同輕食，仲有唔少精緻嘅主食提供。一坐低，店員好用心為我地介紹餐牌內嘅食物，聽到甜品同雪糕係自家製，一定要留肚一試。揀左一個沙律，兩個主菜，兩杯飲品同一個甜品主菜喺哂第一版Mango Crab Meat Salad $88一見到個芒果蟹肉沙律先發現原來份量咁大，兩人食都絕對唔會嫌小，上面橙紅色嘅粉令到成個沙律好惹味，芒果少少酸，喺夏天加強食慾。蟹肉亦有用香料混和，味道相當特別。沙律仲有杏仁片，增加左成個沙律嘅口感。Lobster Linguine $198兩個主菜都要左海鮮，分別係龍蝦意粉同南瓜汁鱸魚甜薯。朋友見龍蝦意粉唔使200蚊覺得好抵，上菜嗰刻就知果然無選擇錯，唔係得龍蝦肉碎，每塊龍蝦肉都非常爽口，仲有淡淡嘅牛油香味，啖啖肉真係好滋味。一般餐廳提供嘅龍蝦意粉都可能係只有龍蝦肉，但呢度會提供埋半個龍蝦頭，絕對唔係淨係一個擺設！蝦頭都仲有蝦肉同膏，絕不欺場。意粉方面，用上龍蝦汁去燴，每條扁意粉都沾上龍蝦汁，意粉有咬口之餘，仲有好濃嘅龍
唔少好嘅餐廳都慢慢進駐入呢類嘅新大廈，
今日去試嘅就係其中一間。
餐廳環境舒適，用上cafe嘅模式經營，
佢唔只提供咖啡同輕食，
仲有唔少精緻嘅主食提供。
一坐低，店員好用心為我地介紹餐牌內嘅食物，
聽到甜品同雪糕係自家製，一定要留肚一試。
揀左一個沙律，兩個主菜，兩杯飲品同一個甜品
主菜喺哂第一版
Mango Crab Meat Salad $88
一見到個芒果蟹肉沙律先發現原來份量咁大，
兩人食都絕對唔會嫌小，
上面橙紅色嘅粉令到成個沙律好惹味，
芒果少少酸，喺夏天加強食慾。
蟹肉亦有用香料混和，味道相當特別。
沙律仲有杏仁片，增加左成個沙律嘅口感。
Lobster Linguine $198
兩個主菜都要左海鮮，
分別係龍蝦意粉同南瓜汁鱸魚甜薯。
朋友見龍蝦意粉唔使200蚊覺得好抵，
上菜嗰刻就知果然無選擇錯，
唔係得龍蝦肉碎，每塊龍蝦肉都非常爽口，
仲有淡淡嘅牛油香味，啖啖肉真係好滋味。
一般餐廳提供嘅龍蝦意粉都可能係只有龍蝦肉，
但呢度會提供埋半個龍蝦頭，
絕對唔係淨係一個擺設！
蝦頭都仲有蝦肉同膏，絕不欺場。
意粉方面，用上龍蝦汁去燴，
每條扁意粉都沾上龍蝦汁，
意粉有咬口之餘，仲有好濃嘅龍蝦味。
Grilled Sea Bass and Sweet Potato $158
另外一個主菜，鱸魚煎得恰到好處，
外皮脆，魚肉唔會過火，魚味亦都好足。
原本以為南瓜汁喺咁好食嘅魚之下，會變得唔重要
但一點之下，南瓜汁嘅甜味為魚帶嚟另一種食法，
淡淡嘅甜味同魚非常夾
另外，甜薯亦為呢道菜提供飽肚感。
Pomelo Grapefruit Jade Tea $58
飲品方面，
我地揀左Barista choice之一嘅西柚葡萄柚茉莉茶
非常新鮮嘅配搭！
杯上仲有一塊乾左嘅西柚俾我地嗒一嗒，
加強茶入面嘅生果味，
茉莉茶加上淡淡嘅微酸果味，
非常適合夏天飲用。
Pear Betrayal $68
終於去到最期待嘅甜品部份
掙扎左一陣，揀Pear Betrayal定Tiramisu好，
Tiramisu 比較多人揀，賣相好吸引
Pear Betrayal 嘅材料配搭就比較少見
所以最後都係揀Pear Betrayal，相對無咁漏
自製嘅檸檬moss加上自製嘅雪梨薑味雪糕，
一酸一甜，非常配合。
雪糕入面食到雪梨茸，
並唔係純粹用梨味香精去整嘅雪糕，真材實料
淡淡嘅薑味唔會令到雪糕變得辣口，
反而為甜甜嘅雪糕加上特別嘅味道。
甜品入面仲有新鮮嘅梨粒，
配埋雪糕食會增加梨味。
張貼
