影片
更多
2021-11-12
1560 瀏覽
今晚同男朋友撐枱腳，梗係食燭光晚餐啦～餐廳內外氣氛都好有情調而且仲係位於大廈最頂層「Bread」自家製黑水橄欖麵包熱辣辣又鬆軟，配埋牛油一齊食好好味「Nachos $98」坊間好多餐廳嘅都只係整熱上面嘅醬料，忽略咗下面嘅nachos呢度嘅nachos係整碟熱辣辣見到每塊旁邊都有少少烘烤過嘅痕跡而nachos本身已經過調味，配合上面嘅牛油果醬同埋芝士非常美味！食完一塊又一塊！「Prime Angus Rib Eye $358」賣相係傳統牛排會見到嘅格仔燒烤紋未切落去都feel到肉質軟腍（我哋喜歡五成熟）切開後沒有血水四濺，反而係粉嫩嘅肉入面流出美味嘅肉汁安格斯牛扒肉理細緻，口感豐富，牛味香濃「Lobster Tail Linguini $238」香濃嘅龍蝦汁配扁意粉醬汁嘅濃稠度剛好，掛上每條意粉上面仲有大大隻龍蝦尾肉質爽口彈牙，啖啖肉「Apple Crumble Tart $78」好耐都無食過蘋果金寶撻啦一見到即刻忍唔住要叫一個試下！成個撻食落去係外脆內軟上層酥脆嘅金寶，甜味剛好中和返下層蘋果嘅果酸味同時間肉桂味亦都帶出成個撻嘅靈魂趁熱食非常好味！總括而言，好欣賞呢間餐廳由一開始嘅餐包到
餐廳內外氣氛都好有情調
而且仲係位於大廈最頂層
「Bread」
自家製黑水橄欖麵包
熱辣辣又鬆軟，配埋牛油一齊食好好味
「Nachos $98」
坊間好多餐廳嘅都只係整熱上面嘅醬料，忽略咗下面嘅nachos
呢度嘅nachos係整碟熱辣辣
見到每塊旁邊都有少少烘烤過嘅痕跡
而nachos本身已經過調味，配合上面嘅牛油果醬同埋芝士
非常美味！食完一塊又一塊！
「Prime Angus Rib Eye $358」
賣相係傳統牛排會見到嘅格仔燒烤紋
未切落去都feel到肉質軟腍（我哋喜歡五成熟）
切開後沒有血水四濺，反而係粉嫩嘅肉入面流出美味嘅肉汁
安格斯牛扒肉理細緻，口感豐富，牛味香濃
「Lobster Tail Linguini $238」
香濃嘅龍蝦汁配扁意粉
醬汁嘅濃稠度剛好，掛上每條意粉
上面仲有大大隻龍蝦尾
肉質爽口彈牙，啖啖肉
「Apple Crumble Tart $78」
好耐都無食過蘋果金寶撻啦
一見到即刻忍唔住要叫一個試下！
成個撻食落去係外脆內軟
上層酥脆嘅金寶，甜味剛好中和返下層蘋果嘅果酸味
同時間肉桂味亦都帶出成個撻嘅靈魂
趁熱食非常好味！
總括而言，
好欣賞呢間餐廳由一開始嘅餐包到最後嘅甜品都係熱呼呼
食物味道亦屬中上水平
推薦大家一試！
張貼
