影片
更多
2018-09-06
636 瀏覽
今日係好姊妹生日見到呢間fine dining嘅餐廳評價都幾高一於book枱食呢間啦～餐廳地方唔算大，但勝在夠晒情調一路上來光顧嘅都係一pairpair情侶我哋叫咗一人一個set dinner $488 /person「前菜：金柚蟹肉沙律」西柚酸酸甜甜最啱開胃用特製調配的醬汁，加上蝦籽，撈落蟹肉食西柚的酸甜仲反而調起左蟹肉的鮮味，問過侍應，呢道係用上泰國金柚，難怪特別鮮甜「前菜：西班牙黑毛豬36個月風乾火腿配西瓜發達芝士」坊間食到嘅火腿通常都係配哈密瓜配上西瓜真係第一次見，但估唔到出奇地夾西瓜比起哈蜜瓜更多水份同更加甜火腿的肥瘦度適中，但個人喜歡偏肥膩上面嘅黑色珠珠相信意大利黑醋味道同賣相都滿分「餐湯：蕃茄雜菜湯」大家睇圖就知材料絕不欺場幾乎每一湯匙都有滿滿嘅蔬菜番茄味濃郁，正呀！「主菜：慢煮日本黑豚豬腩配黑豚肉腸」經過12個小時慢煮嘅黑豚肉肉汁完全鎖住，肉質一啲都唔柴廚師再將表面煎到超級香脆姊妹都大讚話好少食到咁有誠意嘅豬腩肉黑豚肉腸一咬開就爆汁，肥瘦均勻值得一提嘅係後面嘅配菜係一舊類似蘿蔔糕嘅物體，混合粟米而成我哋都未食過～第一次食就已經覺得好好食「主菜：香煎劍魚腩配粟米莎莎」刺身
見到呢間fine dining嘅餐廳評價都幾高
一於book枱食呢間啦～
餐廳地方唔算大，但勝在夠晒情調
一路上來光顧嘅都係一pairpair情侶
我哋叫咗一人一個set dinner $488 /person
「前菜：金柚蟹肉沙律」
西柚酸酸甜甜最啱開胃
用特製調配的醬汁，加上蝦籽，撈落蟹肉食
西柚的酸甜仲反而調起左蟹肉的鮮味，
問過侍應，呢道係用上泰國金柚，難怪特別鮮甜
「前菜：西班牙黑毛豬36個月風乾火腿配西瓜發達芝士」
坊間食到嘅火腿通常都係配哈密瓜
配上西瓜真係第一次見，但估唔到出奇地夾
西瓜比起哈蜜瓜更多水份同更加甜
火腿的肥瘦度適中，但個人喜歡偏肥膩
上面嘅黑色珠珠相信意大利黑醋
味道同賣相都滿分
「餐湯：蕃茄雜菜湯」
大家睇圖就知材料絕不欺場
幾乎每一湯匙都有滿滿嘅蔬菜
番茄味濃郁，正呀！
「主菜：慢煮日本黑豚豬腩配黑豚肉腸」
經過12個小時慢煮嘅黑豚肉肉汁完全鎖住，
肉質一啲都唔柴
廚師再將表面煎到超級香脆
姊妹都大讚話好少食到咁有誠意嘅豬腩肉
黑豚肉腸一咬開就爆汁，肥瘦均勻
值得一提嘅係後面嘅配菜
係一舊類似蘿蔔糕嘅物體，混合粟米而成
我哋都未食過～第一次食就已經覺得好好食
「主菜：香煎劍魚腩配粟米莎莎」
刺身級數的劍魚腩
廚師用左blackened 嘅烹調方法將劍魚腩嘅表面煎黑
比起普通煎香更能鎖住汁喺入面
而中間嘅粟米莎莎混入左啲爆谷係入面
令口感更為豐富
「甜品：焦糖燴啤梨配雲呢拿雪糕」
成個甜品嘅感覺係好清潤
食完啱啱好，為成餐飯劃上一個完美嘅句號
總括而言，
呢度好適合約埋伴侶/知己嚟撐枱腳
氣氛同食物質素都一流，推薦！
張貼
