火鍋撚 (日富里百好大廈) (已結業)

朋友唔講都唔知，原來我屋企附近都有好食嘅火鍋店，所以就喺本大少生日當日去食返餐！呢間火鍋店叫做火鍋撚，有個「撚」字，零舍有霸氣！呢度地方幾大，侍應好好人，我哋諗咗一陣就落單。今日想清清地，叫咗個蜂巢豆腐白湯鍋，入面有人蔘等藥材，仲有鴨血等非常滋補。呢度嘅火鍋配料都非常唔錯，順德魚腐，大家都會以為係生嘅，要放入煲煮，但係呢個魚腐同其他嗰啲好唔同，佢係已經煮好，可以就咁食，外皮仲好有咬口，食落幾有咬口。下一個要介紹嘅就係黃金蛋黃炸魚皮，呢個係我食過最好食嘅黃金炸魚皮，魚皮唔單止炸到非常鬆脆，蛋黃汁亦都啱啱好，可以掛住喺魚皮上面，大家一定要試！打邊爐點少得叫丸類，呢度個雙拼牛丸好特別，分別係法式龍蝦湯爆漿牛丸同黑松露菌醬爆漿牛丸，龍蝦湯同黑松露菌醬都係我嘅至愛，牛丸好彈牙，入面一咬即爆汁，非常過癮！平時大家打邊爐都可能會食響鈴，不過亦都有另一個選擇，呢個老油條我覺得都好好食，就算浸完湯之後，都可以好咁脆！至於肉類方面，極品安格斯肥牛大同羊肉片都好好食，牛肉幾厚切，又重牛肉味；羊肉又唔羶，幾高質。食完牛羊就食海鮮，鴛鴦雙蚌有桂花蚌同珊瑚蚌，全部都爽口又鮮甜。食咗咁多嘢，係時候要食下菜，生菜同皇