鏞鏞．藝嚐館

自細就跟阿爸去中環鏞記食飯，對「鏞」字招牌有種情意結。今日嚟 K11 行街，專登試下呢間鏞鏞，睇下同鏞記有咩分別。
環境一定係 K11 贏，淨係大露台個維港景已經無敵，啲枱又坐得舒服，比鏞記多咗啲空間感。我哋冇叫燒鵝，反而想試下佢其他菜式。叫咗脆皮炸子雞，皮係脆嘅，肉都算滑，但總係覺得爭咗少少中環店嗰種老練嘅火喉同油香，不過水準依然喺中上。反而個「鏞鏞・手捲雪茄」幾有驚喜，外型係Gimmick嘢，炸到好脆，入面有鵝肉絲，幾香口，呢啲菜鏞記應該冇。再點多個紅燒北菇豆腐，豆腐夠滑，北菇都夠厚肉，味道不錯。
相比鏞記，呢度係行精緻路線，有啲菜式係為咗迎合新客路而設。如果你係追求傳統嘅味道，可能要返中環。但如果係想喺 K11 搵個舒服環境、食餐有質素嘅中菜，呢度絕對交足功課。