侍應好快就帶位請我哋入餐廳，我同朋友都點左一個晚餐set，好快就上咗主菜。我叫咗一個意大利飯，主菜嘅賣相十分之好，睇落已經令人好想快啲開餐，特別係朋友點嘅闊條麵，煙三文魚擺成玫瑰花咁嘅樣，真係又睇得又食得。沙律都好快上菜，成個沙律食落覺得好清新又開胃，芝麻沙律醬令成個沙律昇華不少。
最期待嘅就係蜜糖雞翼。果然冇令我哋失望，蜜糖味十分之濃郁，配上有香又脆嘅雞翼，真係好想再叫多幾碟雞翼嚟食。10分推薦大家一定要利是呢一個蜜糖雞翼。
最後當然唔少得甜品，我同朋友都點左朱古力蛋糕，下次有機會一定會嚟試吓其他款嘅蛋糕。
飲品我哋兩個都點左薄荷朱古力，飲品上面嘅cream真係令呢杯特飲成為忌廉控必選嘅飲品！
呢間餐廳真係又靚又好食，下次我都會再帶朋友嚟食
