影片
更多
2022-07-18
136 瀏覽
一次失望嘅用餐體驗，足以令我特登黎寫返個食評話說我7月3就打黎book7月中12pm當時聽電話果位回應「唔好意思，我地晏晝冇得book,夜晚先有得book」由於唔係話full booking,所以我理解係佢日頭淨係做walk-in客，夜晚先俾人book位，因為總有餐廳真係咁樣嘅。Anyway,咁book唔到唔緊要，我同friends咪早少少黎等位，我地11:32分黎到，當時見到有d枱上面有個牌寫住reserved,都覺得奇怪。但冇特別在意，然後照留名先，我地排第二個，諗住好快有位啦。點知突然殺出兩個人，話自己book左位，我地就一頭霧水嘞，唔係話「晏晝冇得book」咩？跟住差不多成個鐘頭，入極都係booking客，成條walk-in隊就咁企左喺度等，重點係近門口果張reserved枱，寧願吉左喺度40幾分鐘都唔安排walk-in客入座。唔知係台客遲到定點啦，如果係只能夠講間嘢真係好尊重book枱嘅客人🙂最後我地差不多12點半先有得入座，因為排隊果陣已經諗定食咩，所以一坐低就即刻嗌嘢食。韓國炸午餐肉條，其實就係食緊午餐肉，雖然話係炸，但完全唔脆。甜辣炸雞同韓式拌飯不過不失，但其實都好難整
話說我7月3就打黎book7月中12pm
當時聽電話果位回應「唔好意思，我地晏晝冇得book,夜晚先有得book」
由於唔係話full booking,所以我理解係佢日頭淨係做walk-in客，夜晚先俾人book位，因為總有餐廳真係咁樣嘅。
Anyway,咁book唔到唔緊要，我同friends咪早少少黎等位，我地11:32分黎到，當時見到有d枱上面有個牌寫住reserved,都覺得奇怪。但冇特別在意，然後照留名先，我地排第二個，諗住好快有位啦。
點知突然殺出兩個人，話自己book左位，我地就一頭霧水嘞，唔係話「晏晝冇得book」咩？
跟住差不多成個鐘頭，入極都係booking客，成條walk-in隊就咁企左喺度等，重點係近門口果張reserved枱，寧願吉左喺度40幾分鐘都唔安排walk-in客入座。唔知係台客遲到定點啦，如果係只能夠講間嘢真係好尊重book枱嘅客人🙂
最後我地差不多12點半先有得入座，因為排隊果陣已經諗定食咩，所以一坐低就即刻嗌嘢食。
韓國炸午餐肉條，其實就係食緊午餐肉，雖然話係炸，但完全唔脆。
甜辣炸雞同韓式拌飯不過不失，但其實都好難整得唔好食。
招牌Tiramisu窩夫，味道係唔錯嘅，一試無妨。
值得一提嘅係杯特飲雪嶽山賣相夠靚，打卡一流但淡而冇味。
講真呢間餐廳裝修方面係花左心思嘅，主題亦都特別，而且見到好多foodie都推介呢度，吸引到人黎都係正常。但真心建議要改善一下經營手法，如果唔係應該未必會有太多回頭客。booking客優先係合理，但都可以兼顧下排隊嘅客人。
最後補充返：呢度嘅食物質素，絕對未至於值得要排隊等成個鐘。我地純粹係見既然都等左咁耐，唔食又唔甘心，總括黎講係自己攞黎嘅🙂強烈建議各位唔好好似我地咁～
張貼
