元気寿司 (屯門市廣場1期)

營業中

休息中

裝修做高速線後再試，同以前一樣好多人等位，7點到已經要等100張飛，等到8點終於入得，坐二人卡位好舒服，試過其他高速線分店，呢間環境算最好。叫返平時食開嘅野，熱食感覺無其他分店新鮮，薯條送到過黎係暖同林哂，好似炸左一段時間咁，其他壽司就正常，特別是左口魚裙邊幾好味。另外都出左新野，友人試左焗蟹蓋，原來入面得白汁通粉同蟹柳，無蟹肉的，仲試左鏗魚柚子醬壽司，好腥，唔啱我食。最後叫左抹茶千層蛋糕，意外地好味，但有朋友都自己整到。埋單後有2張20蚊coupon，咁啱做緊優惠，星期一至四用enjoy卡比錢再送多2張10蚊，有機會再食。