上海廳1930 (已結業)

到了晚上，附近的食肆總是爆滿，這時就大概可以看出各個食肆的口碑如何了。如果大排長龍的，除了價錢抵食之外，食物都多數有番咁上下質素。所以對於這些餐廳，即使要等多一點時間，我也願意一試。所以，當我走入依間門口有個人力車的裝修得幾別緻的上海廳，我是幾有期待既。對於上海菜，我並不是特別有認識。一直知道每到上海餐廳，多半都會叫一個小籠包，其他的我就自己看著辦。最近想多吃點素，少吃點肉，便點了個口水豆腐，同埋一個賽螃蟹。好難去形容口水豆腐，同麻婆豆腐既分別，可能就係個種辣有啲唔同，麻婆豆腐應該係加左豆瓣醬，辣中富豆香，口水就係麻辣為主。意外地幾惹味，豆腐亦都幾嫩滑。小籠包皮薄汁多，但自己本身唔太特別愛佢既味道。賽螃蟹堅好食，蛋白非常之滑，撈埋酸溜又帶鮮味，好提胃口，我好快就成碟食哂，如果唔飽，我應該會多喊一碟哈哈！