盈翠軒 (裝修中)

今晚放工落尖沙咀行街街 之後約左朋友食補祝生日飯 佢話中港城有間中餐廳既兩人餐好抵 係openrice食評都有介紹 就咁決定吧坐底伙記即刻介紹佢地嘅招牌菜 所以最後散叫了香芒手斯玉龍骨 芒果原汁打 係d絲過厚左d唔夠鬆化 醬汁牛肋骨 入口溶化 牛味濃 金柚手撕片皮雞 半隻 賣相好靚 雞皮真係脆仆仆 驚喜再後頭 內裡竟然係雞絲撈金柚好開胃 似salad夾埋食就好特別 不過我推介係佢地既茶壺湯 每人試一款北氏燉水鴨湯 同埋姬松茸燉螺頭 無味精飲落清甜 足料 又夠熱 第一次食到瑤柱蟹肉簿餅飯 煎飯睇落平平無奇 但係每口可食到蟹肉瑤柱同粒粒口感 有咬口不過太飽啦 兩分已足