邁爵斯 (福華街)

營業中

休息中

經過深水埗唔知食咩好，見到ig幾多人介紹呢間又平又大份既意粉。然後就中伏了💩講得糧尾恩物，價錢真係好平，好耐冇見過$3x既意大利粉。份量非常多，唔怪得個個都話意粉山。食物質素同我呢d地獄廚神煮既一樣，放得入口，但絕對稱唔上好食💩我既香蒜蜆肉意粉，等左差唔多45分鐘🤔咁平預左意粉質地普通，蜆肉份量幾多，蒜係煮完先放係面，所以意粉山下係冇味既。餐廳仲有好多烏蠅同蚊滋同我say hello😣可能大家會話，咁平你想有幾好食呀？我反而覺得犧牲味道，單靠份量做gimmick不可取。令我失望既地方係衞生太惡劣😢自助餐具一定要自己洗！睇得出佢地係沖下水就算，仲有汁乾左痴係匙羹上面，叉既空隙又有不知名食物殘渣😢強烈建議大家，糧尾自己煮或者食麵包都好過幫襯佢。