四爺車仔麵專門店 (已結業)

已經第二次食呢間舖。本身係覺得店舖地下坐得舒適，食物都唔錯，雖然價錢唔平，但係喺灣仔食車仔麵有咁嘅寬敞空間係OK嘅。但係今日被安排坐喺樓上閣樓。嚴格來講係閣樓，並唔係一個正常樓層。上到去環境昏暗，同埋有好多蚊滋仔飛來飛去，冷氣機又壞咗一部，感覺已經唔好。食完之後朋友落嗰條又濕又跣嘅樓梯，就真係跣低咗。之後冇員工跟進問題，亦都冇問朋友有冇事。希望改善樓上嘅狀況，甚至乎唔好因為要賺錢而用盡每一個空間。