壽司郎 (源成中心)

營業中

休息中

呢排IG見到壽司郎有新出嘅下午茶餐，專誠去試吓，點知去到先知原來觀塘分店係冇下午茶餐嘅，極度失望。不過都入到去落單點少少壽司食吓。本身都冇諗住評論啲乜嘢，點知一食個花之戀就覺得出晒事。就咁睇相已經覺得舊三文魚顏色黑黑沉沉唔太新鮮咁，食落口基本上大部份都係筋位，要咬好耐好耐先吞到。而且呢間分店衛生情況都唔係太好，點菜部pad勁污糟，有手指紋都算，上一手仲彈咗好多嘢落去都冇抹過。下午時間咁少客唔繁忙都咁樣，夜晚繁忙起上嚟個衞生情況應該會更加恐怖。