影片
營業時間
今日營業
10:30 - 22:00
星期一至日
10:30 - 22:00
以上資料只供參考, 請與餐廳確認詳情
不建議四點後入座一般我都唔會點影相嘅都忍唔住要影低評論吓 😒睇圖幾好先夠膽叫，嚟到色澤，完整程度都頗有差距。平時嘅我少叫啲貴價嘢，驚失望。點知真係 😒味道還可以，色澤、溫度都感到失望。。抹茶蕨餅芭菲：有啲溶，未到枱面已經溶到滴咗吓 🤦以前會叫卡達拉娜，後期覺雪得唔夠硬就無再食 🤷♂️以後都係叫返啲平價嘢，心理會平衡啲。心諗：都只係$12、$17 😂27號枱我唔係第一次坐，今日個滑輪係唔滑，一個人嚟每次伸手攞都比較吃力，可能我手短啦 🤣食完先留意到，唔知上手做過啲咩，牆身都沾有豉油漬，wt 🤦。可見衛生程度 😒
繼續閱讀
五月新品一推出就急不及待去試吓壽司郎今個月嘅新品。今個月新品有🐠黑鮪呑拿魚鮫拖羅雖然魚油甘香，但係唔夠厚切，而且非常多筋。🐙北海道產稻烤水八爪魚完全唔似燒過，只係就咁落水烚一下上返嚟。不過肉質好爽脆，好鮮味，好新鮮嘅感覺。🐟燒肉味醬漬長鰭吞拿魚一食落口嘅第一感覺係出前一丁味😂🐂溫泉蛋牛肉腐皮包試一次就夠㗎啦🤫鍾意食牛丼嘅去返吉野家算啦🐬炙燒北極岩魚夠厚切，夠肥美，食入口大滿足。🐚北海道產芥末海螺軍艦略嫌芥茉味唔夠重，鍾意芥末嘅，反而食芥末八爪魚軍艦更好。🦪汁煮鮑魚與鮑魚肝天婦羅盛鮑魚啱啱好熟，而且應該有個過冷河，所以口感非常脆。鮑魚肝天婦羅平時都真係冇乜食過，都值得一試嘅。除咗上述嗰啲新款之外，都有叫其他款式壽司，例如有之前好出名嘅鵝肝壽司，但係佢今次轉左烹調方法，係用蒜蓉汁煮，食落口比之前更加出色，口感細滑棉密。忍唔住叫多咗一嚿。不過去到第二round佢嚿鵝肝就縮水咗好多。雖然都一樣咁美味但係唔敢叫第三舊了，驚佢越來越細😂仲有每次都會叫嘅原條海鰻壽司。以前我係唔會食鰻魚，梗係都覺得佢鞋鞋地又多骨。但係自從我食完壽司郎嘅呢款海鰻之後，我就對呢樣嘢大大改觀，原來鰻魚都可以咁滑同埋啲骨咁幼，口感一流。最後仲叫咗黑毛和牛壽司做結尾😂係我仲見到啲排球少年Crossover嘅甜品，本身都想食嘅，但係太飽食唔落囉，睇吓遲啲仲會唔會有機會食到啦！
繼續閱讀
壽司郎3月有新品推出，來試吓大阪風魷魚燒壽司~賣相幾得意，食落有一粒粒魷魚碎，香口，幾好食👍爆盛三文魚蓉軍艦~滿滿嘅三文魚蓉，食落真係滿口嘅三文魚蓉，好食😋炸磨菇海苔包配芝士醬~賣相幾吸引，食落普普通通黑螢光魷魚軍艦~賣相唔吸引🙈，食落普普通通試過新野，都係叫返平時食開嘅野，同軍艦比較吸引同好味😅
繼續閱讀
今日遲咗，攞唔到飛買外賣返屋企食，我哋嗌咗兩個一人前，雖然外賣冇咁多款揀，而且係set好晒冇得揀款，但係刺身都好新鮮，亦都好夠食，每人都有大約10件壽司，外賣都唔錯嘅選擇。
繼續閱讀
刺身三文魚：呢次嘅刺身質素真係麻麻地，好多筋，食落口感好差，完全冇達到我預期，只可以畀⭐️三文魚壽司🍣：同刺身相比，呢個三文魚壽司就好太多喇！我係特意喺回轉帶度拿嘅，壽司上嘅三文魚切得厚身，入口肥美香甜，米飯嘅軟硬度同醋味都調配得恰到好處，一啖落去超滿足，必須畀⭐️⭐️⭐️⭐️⭐️炙燒羅勒三文魚腩：呢個菜品真係好有特色，一入口就感受到微微嘅芥末味，同炙燒三文魚腩原本嘅香味融合得相得益彰，呢種新奇嘅味道好難形容，但又好吸引，令人一試難忘，絕對值得⭐️⭐️⭐️⭐️⭐️天婦羅蟹柳🍣：呢個天婦羅蟹柳炸得超級脆，味道方面，唔單止保持咗蟹柳本身嘅鮮味，而且油炸嘅香味同蟹柳嘅鮮甜配合得好，評分⭐️⭐️⭐️⭐️椒鹽肥牛🍣：肥牛嘅香味好濃郁，牛肉嘅油脂香充滿口腔，但可惜就係有啲膩，食多幾件就有啲滯，評分⭐️⭐️⭐️炙燒芝士三文魚腩：呢個真係好正！三文魚腩嘅油脂經過炙燒之後，香味完全被激發出嚟，再加上芝士嘅濃郁奶香，兩者融合得完美無瑕。每啖都充滿咗豐富嘅口感同香味，真係好好食，值得⭐️⭐️⭐️⭐️⭐️生拌三文魚軍艦：佢嘅汁係辣辣嘅，呢種辣味好開胃，一啖食落去，刺激住味蕾。三文魚嘅新鮮度都唔錯，同辣汁搭配得唔錯，不過整體感覺就中規中矩，評分⭐️⭐️⭐️元貝壽司🍣：呢個元貝壽司就有啲令人失望喇，元貝嘅腥味比較重，蓋過咗本身嘅鮮味，食起身口感唔太好，只能畀⭐️
繼續閱讀