樂園

想同米奇老鼠食飯嘅朋友注意⚠️！唔使去迪士尼樂園啦，過嚟九龍城樂園一樣有米奇同你食飯

唔只啊，仲有曱甴近距離接觸活動。大家有興趣歡迎嚟捧場。

店員冇禮貌就預咗㗎啦，唔知上次乜事。最老嗰個簡直串到一個點，一朝早串串共，畢竟呢度名氣大多你一個唔多少你一個客冇所謂。收銀哥反而態度唔錯，其他人態度都還好。

可能名氣太大啦，水準都大不如前。奶茶成大杯都係冰。個面淡茂茂，炸雞扒縮晒水，又乾又柴，以前唔係咁㗎！食咗咁多年，九龍城好食嘅唔係得你一間，平日過嚟都係為咗回憶吓，既然呢度唔歡迎嘅，算啦，以後唔會再幫襯