Café Lab (已結業)

間唔時會去四喜買曲奇，幫襯完周圍行吓就見到呢間Cafe。青蘋果慢煮雞胸肉多士 ($78)本來諗住係好甜嘅青蘋果粒粒醬，不過朋友想食就試吓啦，估唔到勁有驚喜。 一片片新鮮青蘋果超爽甜，果汁同雞胸肉味道超夾，每一款食材以至塊多士都做得好完美，連面頭以為係裝飾作用嘅合桃，最後都發現個果仁香有加分，完全感受到廚師嘅心思。慢煮加拿大豬鞍 ($168)見好多人叫呢味，果然名不虛傳。 豬鞍彈牙嫩滑，媲美出面賣二百幾蚊嘅質素，香口到連舊骨都妹埋。 底下嘅薯蓉都好好味，夠香甜勁重牛油香，配菜居然有萵筍，好啱我口味。呢度款款甜品個樣都好得意，千挑萬選之後揀咗檸檬。 入面係cheese mousse同柚子啫喱，味道超清新天然。 見人哋揀黎做生日Cake，上台嗰陣仲會加埋音樂盒好靚靚。