影片
更多
2018-01-17
7161 瀏覽
講到旺角嘅嘢食，不論係大街去到橫街窄巷，都一定會搵到好嘢食，所以去旺角就一定唔驚餓親。但有時就會因為太多嘢食所以煩惱揀邊樣正在煩惱同朋友去邊度食嘢之際，佢就無啦啦話想去cafe，但係cafe都有分樓上cafe同埋街舖，今次我哋揀嘅係街舖，喺廣華街嗰邊，廣華街其實就係登打士街 (兆萬對面)一直行再轉左行就系。廣華街其實呢家多咗好多好嘢食，真心推介大家多啲去。好精美嘅餐牌，食物價錢適中，個人應為叫set會抵好多，因為可以免費有一杯飲品。店內嘅裝飾亦好有特色，有一幅幅嘅掛畫，仲有啲平時係屋企嘅烹調用具，成個feel俾人感覺好得意，亦都幾特別呀。我覺得一間cafe黎講，舒適度係幾重要嘅元素，試過去過一啲係黑沉沉咁樣，正面啲睇係有情調，但當放工去到其實只係想光猛啲，俾人感覺舒服啲同埋精神啲。於是我同朋友都係叫左set，套餐價錢就有埋湯同埋沙律，由於近排都冇乜錢所以我自己就冇加，我朋友就加左。開頭一睇個顏色仲以為係南瓜湯，飲飲下先發覺係甘筍湯，其實我本身我麻麻哋甘筍，但飲落發覺其實吾錯可能系佢整得好飲嘻嘻。湯好稠身，吾系溝曬水戈啲，甘筍味都好濃郁。沙律都幾足料，係煙鴨胸沙律，煙鴨胸比較乾身，鍾唔鍾
好精美嘅餐牌，食物價錢適中，個人應為叫set會抵好多，因為可以免費有一杯飲品。
店內嘅裝飾亦好有特色，有一幅幅嘅掛畫，仲有啲平時係屋企嘅烹調用具，成個feel俾人感覺好得意，亦都幾特別呀。我覺得一間cafe黎講，舒適度係幾重要嘅元素，試過去過一啲係黑沉沉咁樣，正面啲睇係有情調，但當放工去到其實只係想光猛啲，俾人感覺舒服啲同埋精神啲。
於是我同朋友都係叫左set，套餐價錢就有埋湯同埋沙律，由於近排都冇乜錢所以我自己就冇加，我朋友就加左。開頭一睇個顏色仲以為係南瓜湯，飲飲下先發覺係甘筍湯，其實我本身我麻麻哋甘筍，但飲落發覺其實吾錯可能系佢整得好飲嘻嘻。湯好稠身，吾系溝曬水戈啲，甘筍味都好濃郁。
沙律都幾足料，係煙鴨胸沙律，煙鴨胸比較乾身，鍾唔鍾意食就要睇個人喜好，我個人鍾意食煙鴨胸所以撈埋沙律覺得唔錯幾開胃。同埋我想講碟既圖案好靚，for影相真系一流，果然系餐具方面都落咗心思。
黑松露菌磨菇意大利飯 $138 (set)
由於太耐冇食意大利飯，所以今次就叫咗個意大利飯，好耐未食過黑松露，更好耐未食過咁好味嘅黑松露！個意大利飯一嚟到嗰陣已經好香，真係有確確實實嘅黑松露喺面真心正，仲有我最愛嘅creamy口感，睇落雖然份量唔係好多，但因為creamy所以食食吓都會有飽肚嘅感覺㗎。
德國鹹豬手配薯角 $198 (set)
朋友則叫左一份豬手，唔少西餐廳都可以食到豬手，但好食嘅豬手就唔係間間都做到，仲記得對上一次喺某間西餐廳食豬手真係感覺一般，今次好彩食到水準之作。外皮十分香脆並冇油膩既感覺，豬手亦大大件好多肉，吾會比骨霸左豬手既好多位 (其實本人真係食肉獸，一有多啲骨就會唔鍾意)。薯角亦系好多件，味道不錯呀。
我自己就叫咗杯薄荷朱古力，薄荷朱古力跟餐係免費嘅，首先想講個拉花真係好靚第一次見玫瑰圖案嘅拉花，其實係心心加玫瑰，心心平時就見得多，但玫瑰就真係少見，配埋心心就好似葉同埋枝幹咁。雖然外型討好，但味道卻不討好⋯⋯朱古力味道ok，但系偏甜，吾夠正宗既朱古力味道開頭未搞勻杯飲品戈陣系完全冇薄荷味，搞勻之後就有少少，但味道也不算濃郁。
張貼
