320
57
20
港鐵油麻地站 A2 出口, 步行約7分鐘 繼續閱讀
電話號碼
37065385
付款方式
AlipayHK 支付寶 現金
其他資料
支持減塑 詳細介紹
當面支付
食評 (430)
等級4 2019-08-18
101 瀏覽
旺角街頭總俾人一種熱熱鬧鬧同好迫的感覺,有時都會想抖一抖氣,慢慢享受生活!最近俾我發現呢間cafe,起旺角一個轉角位,望落有點小清新同悠閒嘅感覺,好適合起繁華都市中想停一停的人!餐牌簡單但勝在多種類Gentleman’s breakfast jumbo $118如果比較大食又貪心的人,可以食呢個all day breakfast !好多款食物,每樣有啲!(影咗前後兩面,等大家可以睇清楚有咩材料同有幾豐富!)可以睇得出食物舖滿成個碟,超豐富!基本上平時all day breakfast 會出現嘅食材,呢度大部份都有,有啲仲要係份量double ,例如兩隻太陽蛋、兩條美國豬肉香腸、三片煙肉等等。Gentleman’s 相對lady’s all day breakfast 份量同種類都較多!味道唔錯,種類較多,牛角包🥐烘到又熱又脆麻醬挪威三文魚蕃茄意大利粉$128麻醬配意粉,有中西合璧嘅感覺,幾創新所以就試下!兩者意料之外地夾,加上蕃茄仔同幼蘆筍,食落無咁滯!不過我最欣賞的係煎挪威三文魚!!三文魚有兩塊,每邊都煎到好香脆!三文魚油脂好足,食落去有濃濃的三文魚油香,魚皮同邊位食落是脆的Hazelnut latte $36味道不錯,飲一啖,抖一抖,享受慢活既悠閒 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-19
463 瀏覽
今日約朋友去旺角行街,天氣好好,熱到我們就快中暑,好彩到了晚上無咁熱,我們走入小巷周圍搵野食,這條街有好多小店好似間間都好好食,最後我們選擇了這間咖啡店!咖啡店位於旺角裡較靜的地方,人流唔多,所以唔會好迫好嘈,咖啡店裝修簡約舒適,窗口全是落地玻璃,採光度幾好!早上的自然光可以透過窗口令室內更明亮!晚上燈光調教得剛剛好,不會太光或太暗!餐牌有小食,沙律,意粉,意大利飯,漢堡包,All day breakfast,各種咖啡,茶,梳打和沙冰等!晚上更有Dinner Combo可以選擇,選好想食什麼之後,行去櫃枱比錢,店員便會將熱辣辣食物送上!!<德國鹹豬手配薯角> 鹹豬手在中間切開立即冒起煙來,熱呼呼香噴噴!!豬手外皮很香脆,肉質嫩滑,沒有好多肥膏,豬手配上蜜糖芥辣醬,食起來非常惹味!除了沙律外,墊底還有薯角,可中和豬手的油膩和鹹味!真的不錯!<意式蘑菇漢堡> 漢堡好足料又大份,厚身的牛肉肉質鬆化又多汁,香濃的牛肉味充斥口腔,肥美的蘑菇輕輕一按,湧出非常多汁,半溶化的芝士令漢堡變得更滋味,再夾住一堆生菜和番茄一齊食,十分好味!<蘋果梳打> 店員剛剛拎出來比我們的時候,已經聽到炸炸聲,氣泡好多,味道似食開的蘋果味啫喱,唔會好甜,飲起來感覺幾清新!整體來講,這裡除了有美味的食物外,最重要係可以遠離嘈吵,與三五知已一邊飲野一邊談天說地,或者安靜舒適地食一餐,這裡確是鬧市中的一個隱世好地方! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-03
500 瀏覽
綿綿細雨,總喜歡在下雨的日子,坐在窗邊觀看在街道匆匆而過的行人,所以這次選了有地玻璃的餐廳,賞人、賞食。在下雨天,在這裏與友人吃別緻的西餐。芝士雙層手打牛漢堡($108),是手作的關係,手打牛肉漢堡裏帶點肉粒,如減少一點鹹味會更好。麵包烘得香軟,面層是滿滿的芝士,令其麵包更烘香。芝士滿鋪在漢堡上,打開麵包就看到滿滿的芝士,如瀑布傾瀉,賣相甚佳。底層還有新鮮的蕃茄片,中和肉類的油膩。這個漢堡是平時的雙倍份量,兩人吃也覺飽。配角薯條新鮮,吃到薯仔的味道,而非平時的油溢味,但要熱吃,凍後會變軟。旁邊還有新鮮沙律菜,加上黑醋,份量不多,作伴碟用。南瓜蘆筍大蝦意大利飯($98),南瓜能滲入每一粒飯粒,並有餘下南瓜汁拌飯,令整碟飯濕潤。露荀非常幼身,嫩滑新鮮,青綠的露荀條與橙黃色的南瓜飯融合,金黃中的翠綠特別顯眼,配色亮麗。鳳尾蝦新鮮,南瓜的溫軟和大蝦的爽脆是最佳配搭。飯粒的硬度適中。是日餐湯(+$25),點主菜加錢換購。碰巧也是南瓜湯,南瓜味道自然清新。麵包粒軟身,比硬身的更適合,湯面有抹上輕輕一道忌廉,如一幅畫。炸咸蛋黃雞翼4隻(+$38),近期流行鹹蛋黃與雞翼的配搭。雞翼香口脆熱,沒有用過多鹹蛋,所以味道不會過鹹。雞翼炸得香脆,大隻厚肉,脆皮內是肉汁緊鎖的雞肉。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-20
868 瀏覽
相約左朋友係旺角聚舊兩個人想輕食,飲杯咖啡傾下計最好冇人打擾又唔洗限坐幾耐Coffee shop就係最好選擇!就揀左呢間位於廣華街的Coffee jobs 地方好易搵,就係轉角位~餐廳以俐落的黑白色為主調配搭木枱椅,簡單清新好有文青風~我們叫了小食及漢堡一齊Share 先來黑糖蜜糖炸雞翼炸得金黃酥脆,雞翼外脆內嫩咬落有juicy 肉汁,炸得恰到好處!雞翼外皮有蜜糖味,既鹹香又帶點微甜口感豐富極了!意式磨菇漢堡配薯條有大磨菇及新鮮的蔬菜番茄等配搭特別清爽Fresh !超豐厚的漢堡肉手打的漢堡肉特別彈牙!兩個女仔share岩岩好黑糖咖啡咖啡濃郁,加上黑糖甜度已經十分足夠朋友點的凍的薄菏朱古力,好順滑又透心涼!杯碟都是走清新文青風感覺上食物都特別好食又一打卡的靚位 連濕紙巾都設計得如此有玩味!和朋飲杯咖啡,聊聊天不知不覺就消磨了一個下午每次都慨嘆時間過得太快啦 繼續閱讀
(以上食評乃用戶個人意見 , 並不代表OpenRice之觀點。)
要數旺角好坐的coffee shop,我首推coffee jobs 。餐廳位於廣華街街頭,位置就腳,舖面設計有特色,就連碟子亦見心思。食物方面,雖然只有一張長長的雙面餐牌,但選擇不少,starter、小食、意粉、burger 及All Day等,什麼都不缺。煙肉忌廉意大利粉意大利粉上加了半熟流心雞蛋,吃時肆意將雞蛋打散,任由蛋漿胡亂在意粉上流走,配上煙肉粒的鹹香,以及雜菌的菌香,非常惹味。Lady breakfast delight餐廳的All Day分了Lady及Gentleman 二種,當然,女生吃的比較輕盈,價錢亦較男生吃的便宜。不過,個人認為內容還是很豐富,包括有太陽蛋、脆煙肉、豬肉腸、蕃茄片、炸薯餅、沙律及酥皮包等。炸薯餅口感超級香脆,味道不會過鹹,而煙肉入口同樣是脆卜卜,豬肉腸帶有淡淡香草味,配上流心蛋,令口感變得油潤起來。Jasmine tea雖然是茶包沖,但苿莉茶大大杯,挺順喉。Flat WhiteFlat White 的口感絲滑順暢,奶泡細緻,牛奶味濃,咖啡香醇。 繼續閱讀
(以上食評乃用戶個人意見 , 並不代表OpenRice之觀點。)