蟹點

營業中

休息中

呢日搵食搵到黎鴨脷洲，見到西邨街市呢度新開左間食海鮮既餐廳，一於黎試試佢！估佢唔到雖然係身處於街市，但環境可以咁乾淨同埋衞生！街市俾人感覺係地下濕笠笠，餐廳完全冇呢個感覺！仲好乾爽！真係超乾淨！我地叫左必點既白胡椒蟹，真係冇推介錯，成隻蟹勁大，仲要啖啖肉！隻蟹用鐵板上，有嗞嗞聲夠哂獲氣！見到隻蟹d口水都流哂出黎... 胡椒既香辣配上蟹既肉質，估唔到咁夾！蟹點仲有好多唔同既菜式可以選擇，例如係潮州、泰國同埋粵菜，所以我都叫左個椰青試試佢！仲有匙羹可以食埋d椰肉，真係夠哂清甜！perfect!佢既泰菜方面都做得好出色，我地有叫左泰式椰菜苗，超夠獲氣，同埋食完唔會令人口渴，呢點好重要！佢既海南雞配上傳統醬料真係一絕！雞夠哂滑，令人食到停唔到口！另外佢既粵菜，即係我地食開既蒜蓉粉絲蒸帶子都做好出色，係一d係屋企做唔到咁好食既菜式，屋企整個味道硬係差少少，呢度d蒜夠哂油香，粉絲加埋蒜，帶子又夠大隻，真係好正！ 總括來講，我哋試嘅菜式佢都整得好好食，真係值得返嚟再encore！