兩三碗車仔麵 (已搬遷) 新店位置

唔知同對面馬路嗰間係咪姐妹店，不過既然試咗對面嗰間，搵唔到理由唔踩埋呢間場。平時午飯繁忙時間擺枱擺到出門外，今日趁佢開舖冇耐，11:30食個早午，一照影哂未有客。啲侍應姐姐幾nice又好笑容。只係喺張點餐紙圈咗又蔥又芫荽，嚟到嚇一嚇，變咗多蔥多芫荽，趕草入城門嘅感覺，反而正合我意。豬腸唔算肥亦處理得幾乾淨，豬軟骨就成塊豬扒咁大，所以一塊過，不過略嫌煮得唔夠時間，變咗豬小硬骨。瀨粉有別放既定認識嗰種透明，唔係同樣一夾就跣筷子會以為係米線。