麻市滋味館 (已結業)

今晚想食小菜，男友就帶左我去呢間餐廳，因為近佢屋企😂。餐廳離佐敦地鐵站約10分鐘步程，跟住google map都易搵到。門係海藍色主調，相當吸睛，一入門口左手邊有幾個魚缸，養住各類新鮮海鮮俾客人親身選擇。熱情嘅店員招呼我地坐低，開左茶俾我地，再遞上餐牌。Menu選擇好多，花多眼亂，我地都唔知點揀好。友善嘅店員推介左幾味俾我地，我地一於follow佢啦😬！1. 魚子醬焗桶蠔 $188呢個係餐廳嘅招牌菜之一！有6大隻桶蠔，成半隻手板咁大，炸到金黃酥脆，魚子醬咸咸酸酸，為蠔加添左特別鮮味，讚！2. 冰梅肉排 $98肉排每舊外層都晶瑩透亮，肥瘦參半，炸至外皮微焦，內𥚃依然juicy, 冰梅汁酸甜度剛剛好，可以消解油膩！3. 啫啫通菜 $78上枱咋咋聲熱辣辣！加左大量蒜蓉、蝦乾，好野味！4. 黃金鮮魷 $88呢個好邪惡呀！鮮魷炸至酥脆，再裹上咸蛋黃，係每一舊都沾滿蛋黃，真係味覺享受！佢仲有黃金蝦，下次要試試！食完野仲有甜品食！芝果布甸😬呢度晚市好旺場，睇得出有好多熟客、街坊幫襯，所有店員都好友善細心，我地一定會再黎！