小店 (已結業)

我阿姨在蘇C王介紹呢間鋪之前已經去過, 佢當時已經對呢間店讚不絕口. 我就同佢一齊來. 因為訂左位, 所以唔駛等, 其實我阿姨只是來過呢間店三次, 但係老闆都記得佢, 一入來就打招呼, 服務認真唔錯. 坐低之後, 有一位姐姐仔就好快手好熱情咁過黎再歡迎我地回來, 語氣帶笑, 很高興的樣子. 又讓人覺得好WARM. 我地基本上就係聽佢發板, 佢話乜野好食, 我地都試少少. 因為我地人多, 所以唔怕多叫野食. 姐姐仔問了我們幾次要不要試試乳鴿飯, 我其實不喜歡吃乳鴿, 但她介紹得咁落力, 而且佢個餐牌寫得咁鬼核突, 我都唔想睇, 咪聽佢話, 要左個乳鴿飯. 佢忽然問: "你地要幾成熟?" 我當時心裡真的打一個突, 當然是全熟啦, 唔怕禽流感咩? 但係佢真係好似好推介咁, 我就試試七成熟. 乳鴿一般都係"鞋SAP SAP", 但係我一咬落隻鴿脾時, 好似咬到水啫喱咁, 嘟一聲就扯左塊肉出黎, 重唔小心一嗒就吞落肚. 好正! 但最有驚喜的是個胸肉, 不單不乾, 咬起來像有彈性的棉花糖, 食多皮香肉軟, 真係未食過咁正的乳鴿!同時也有白酒煮青口, 青口是新鮮的, 每一隻都漲卜卜, 好似個小波子咁