影片
更多
2018-04-17
97 瀏覽
屋企長輩話要食蛇羮，指明要去搵「娟姐」。惟有專登車佢嚟食，我同阿媽就無意奉陪，搵左間餐廳break一break，叫Life Break。入座時都幾多客人，似係做街坊生意。兩點幾，仲有午餐供應，同時又有下午茶餐供應，價錢睇落都幾平。最吸引我係$30一個心太軟茶餐仲包左一杯飲品，好抵！我決定一人食兩個餐，嘩哈哈~~加$8有一碗餐湯仲有餐包，今日係雜菌忌廉湯，幾大碗，幾濃，味道唔錯。麵包係熱嘅，夠鬆脆，$8又真係抵！阿媽叫左「紐西蘭一級西冷配蒜蓉汁」，件西冷都好大份，一上枱時好香，連我坐對面都聞到。試左舊，唔錯，有牛肉味，亦有牛肉原來嘅質感，唔會用嘢「嗱」到變晒質。下面好多薯角，熱辣辣，係即炸嘅。我叫左香煎鵝肝小漢堡，size唔算「小」，中間一塊厚厚鵝肝，唔羶，煎到表面有啲脆，所以唔覺得油膩。漢堡包皮都好鬆脆，夠熱。呢個漢堡最好一上枱就即食，因為鵝肝凍左就會羶，趁熱食係必須架！食完我梗係叫我至愛嘅心太軟啦，$30有飲品、有心太軟，仲有一大球雪糕，又估唔到喎！心太軟有流心效果，朱古力味濃，咁平，係必點之選啦！餐飲包普通飲品，加$5可以揀其他飲品。熱榛子咖啡，咖啡味濃但榛子味淡，一般。整體味道唔
入座時都幾多客人，似係做街坊生意。
兩點幾，仲有午餐供應，同時又有下午茶餐供應，價錢睇落都幾平。
最吸引我係$30一個心太軟茶餐仲包左一杯飲品，好抵！我決定一人食兩個餐，嘩哈哈~~
加$8有一碗餐湯仲有餐包，今日係雜菌忌廉湯，幾大碗，幾濃，味道唔錯。麵包係熱嘅，夠鬆脆，$8又真係抵！
阿媽叫左「紐西蘭一級西冷配蒜蓉汁」，件西冷都好大份，一上枱時好香，連我坐對面都聞到。試左舊，唔錯，有牛肉味，亦有牛肉原來嘅質感，唔會用嘢「嗱」到變晒質。下面好多薯角，熱辣辣，係即炸嘅。
我叫左香煎鵝肝小漢堡，size唔算「小」，中間一塊厚厚鵝肝，唔羶，煎到表面有啲脆，所以唔覺得油膩。漢堡包皮都好鬆脆，夠熱。呢個漢堡最好一上枱就即食，因為鵝肝凍左就會羶，趁熱食係必須架！
食完我梗係叫我至愛嘅心太軟啦，$30有飲品、有心太軟，仲有一大球雪糕，又估唔到喎！心太軟有流心效果，朱古力味濃，咁平，係必點之選啦！
餐飲包普通飲品，加$5可以揀其他飲品。
熱榛子咖啡，咖啡味濃但榛子味淡，一般。
整體味道唔錯，價錢係街坊價，午餐、下午茶免加一，算係咁啦！
張貼
