蛇王協

聽說蛇羹行氣活血對復原有幫助，趁家人陪著到了旺角，
順便過深水埗蛇王協，
整返碗蛇羹食吓啦。

呢個體驗夠特別，條蛇好乖架

去到剛好見到老闆娘把蛇放在客人頸上拍照，
原來客人想接觸吓活蛇，
係可以要求老闆幫忙的，
記得以前在深水埗可以睇到劏蛇取膽嘅場面，
但係而家連有活蛇嘅蛇羹店都好少。

1

仲可以放在手上， 條蛇由細養，所以品性純良

因為啱啱响旺角食完午餐，
所以都係買外賣返屋企自至食。

薄脆和檸檬葉絲

外賣有薄脆同埋檸檬葉絲附送
食嘅時候可以加啲落去，
可以增以添香味同口感。

蛇羹

蛇羹足料，據說裡面有幾種蛇肉，
拆蛇肉都幾花功夫架。
蛇肉口感有啲似雞肉，
但係紋理同長度唔同，
唔會同雞肉撈亂嘅，
裡面有好多滑滑蛇肉同木耳絲，
鮮味好味落埋檸檬葉更香。

足料！大大條蛇肉